Din-dan-don

Erabiltzailearen aurpegia Haizea Galarraga 2012-12-24 01:00   Iritzia

Haizea Galarraga

Irudia: Jon Gil

 

Din-dan-don, din-dan-don, Eguberri On! Ezinezko zaigu Gabonak gainean ditugula ahaztea. Egunero, orduro eta minuturo gogorarazten digute Gabon Gaua heltzear dagoela: argiz apainduriko  kaleak, jostailuz hornituriko dendak, iragarkien bonbardaketa telebistan… Eta hala ere, depresioan erortzeko arriskurik handiena Gabonetan dagoela baieztatzen dute ikerketa zientifiko anitzek. Kontraesankorra guztiz. Ardi-larruz estalduriko otsoaren parekoa dela ere esan dezakegu: antzaz, jaiegun zoriontsuak eta errealitatean, tristurak harrapatzen gaituen hilabetea.

Ez nago ados zurekin gauza batean, Gaizka Amondarain

Erabiltzailearen aurpegia Manex Agirre 2012-12-20 09:34   Iritzia

Manex Agirre

@manexagirre

 

Orain gutxi hirineteratutako artikuluan honakoa zenioen: “argi geratu da ez zaigula inor etxe atariraino etorriko, tinbrea jo eta gurekin oheratu nahi duela esatera.” Esango nuke hori gertatzea errazagoa dela, gaur egungo zenbait erakunde publikok hizkuntza politika eraginkor baten aldeko apustua egitea baino.

Lapurretak nonahi dirau

Erabiltzailearen aurpegia Unai Villalba 2012-12-10 12:12   Iritzia

Unai Villalba

 

Azken egunetan aditzera eman diren (diru) kontu batzuk: (1) Udal mailan. Udaletxeak hilean 49.200 € gastatzen ditu Gonzalo Antón jaunari alokatutako lokal batetan, hamabi hilabetez biderkatuz gero 590.000 € inguru urtean. Arazoa ez da bakarrik dirutza xahutzea, baizik eta Alfonso Alonsok bere garaian egin izan zuen kontratu zikina bere lagun enpresariari mesede egiteko. Komeni da jakitea garai horretan kontratua gainbegiratzearen arduraduna Javier Maroto zela, Ogasun zinegotzia zen heinean.

Jarraipen(ts)a

Erabiltzailearen aurpegia David Mangana 2012-12-03 12:54   Iritzia

David Mangana

 

Ia-ia pentsatu gabe, hitz eta pitz, pila bat zerrendatzeko gai gara. Haien kokapena seinalatzeko ere bai. Hainbat film eta istorio jaso ondoren, genetan ditugu Estatu Batuetako estatuak, Seattletik Floridara. Amerikarrak -barkatu, iparramerikarrak- gara konturatu gabe. Haien aztarnak gureak dira, nahiz eta askotan lur haietan urratsik ez egin. Barrak eta izarrak ikur bihurtu ditugu, barre eta izaeraren bidez. Haien emozioak ekarri ditugu gure kulturara.

Bahiketa Gasteizen II

Erabiltzailearen aurpegia Koldo Alzola 2012-11-22 09:19   Iritzia Koldo Alzola

Lehengo batean Alde Zaharrean bahitutako auzokide baten inguruko kezka azaldu nuen txoko honetan. Iparralde parkean txakurra paseatzen zebilela ezezagun batzuk gerturatu eta inori abisurik emateko betarik eman gabe desagertarazi egin zuten bizilaguna. Albisteak sona handia izango zukeen hedabideetan, eta politikarien gaitzespena ere eragingo zukeen, ezpada bahitua Ahmed zuelako izena, paperik ez zuelako, eta bahitzaileak poliziak zirelako.

Perretxikotan

Erabiltzailearen aurpegia Manex Agirre 2012-11-19 09:22   Iritzia

Manex Agirre

@manexagirre

 

Gaizkituta itzuli ziren bi lagun, joan den ekainean, Bilbao BBK live jaialditik.  Batek Four Tet ikusi nahi zuen, besteak Radiohead. Egia esan, ez dut ondo gogoratzen kontzertuei buruz zer esan zidaten… Posible da beraiek ere kontzertuez gehiegi ez gogoratzea.

Ganbarako hilerria

Erabiltzailearen aurpegia Haizea Galarraga 2012-11-15 08:59   Iritzia

Haizea Galarraga

Irudia: Jon Gil

 

Heriotza zigorrera kondenatu naute 50 bat urte ditudala (50 urte oraindik edo 50 jada, erlatiboa baita). Giltza sarrailean eta ate herdoildua irekitzear. Hurbil dago iluntasuna, oso hurbil, hurbilegi, alegia. Asko dut esateko, nire hitzek lau haizetara zabaltzen nahi dute jarraitu, ahalik eta lasterren lurperatu nahi naute, ordea. Ganbarako bidean nago, eskaileraren gailurrean”. (Heriotzaren atarira eraman berri duten edozein liburu zaharren testigantza izan liteke hori, hil aurretiko azken hitzak. Ganbaran bego.)

Hauteskundeetako benetako irabazlea

Erabiltzailearen aurpegia Koldo Alzola 2012-10-25 02:00   Iritzia

Koldo Alzola

Hauteskundeetatik bueltan kontuak ateratzeko eta nork bere gogoeta interesatuak egiteko garaia izan ohi da. Gustu guztietarako dago. Ni neu bataren eta bestearen zenbakiak hartu eta ezinezko metaketak egiteko zalea naiz. Halaxe eginda, bada bereziki arreta eman didan datu pilaketa bat. Ezkerretik sozialdemokraziarako eremuan kokatzen direnen botoak bat eginda zera ateratzen zait, EH-Bildu, Ezker Anitza, eta Ezker Batuaren (barkatuko didazue izenekin asmatu ez badut... baina badakizue nortaz ari naizen) bozken balizko batuketa eginda, indar metaketa hori lehenengoa izango litzatekeela Araban. Hamaika ikusteko jaioak gara. Ez al da beste inor konturatu historian lehen aldiz ezkerra nagusi dela militar eta apaizen eskualdean? Eta aurrerakoitasuna gehiengoa bada, zergatik da bestelakoa hauteskunde kanpainian nagusitu den inpresioa?

Zoritxarrekoak gu

Erabiltzailearen aurpegia Haizea Galarraga 2012-10-22 10:03   Iritzia
Haizea Galarraga
Irudia: Jon Gil


(Ironia ON)

Zoritxarrekoak gara. Bai, zorigaiztoko miserable batzuk, alegia. Ez dakit zergatik jarraitzen dugun bizirik, gure buruaz beste egin gabe. Sufrimendu amaigabe honi bukaera eman beharko genioke egunak berriro ere ilundu aurretik! Ez du pena merezi gure bizitza krudel honek. Dena da beltza, gris iluna asko jota.

Arabako bertsolaritza ez da normala

Erabiltzailearen aurpegia Manex Agirre 2012-10-18 08:49   Iritzia

Manex Agirre

@manexagirre

 

(etxe aldera eskobatzea tokatzen zait, euskara txarrean (onean?) esanda)

30 urte bete dituzte 2012an Arabako bertso eskolek. Gasteizko Txustan eta Aretako Tunelen elkartzen ziren ausart batzuei esker dago panorama orain dagoen bezala. Eta nola dago? Bada, atrebituko nintzateke esatera, Araban euskararekiko atxikimendu aktiboa duen orok ezagutzen dituela arabar bertsolariak, eta baduela Arabako bertso-mugimenduaren berri. 1982an pentsaezina zena, egia bihurtu da.

Ekonomia Ekologiko-Feministaren aldeko bozka: krisialditik ateratzeko abiapuntuak

Erabiltzailearen aurpegia Unai Villalba 2012-10-17 08:57   Iritzia

Unai Villalba


Joan den asteburu luze honetan, Estatuko II. Desazkunde eta Trantsizio jardunaldiak ospatu berri dira Gasteizen. Horietan desazkundearen oinarrien inguruko eta berau praktikara eramateko estrategien inguruko eztabaida, hitzaldi eta tailer ugari egon dira. Larunbat goizean ekonomia ekologikoa eta ekonomia feministaren arteko elkarrizketan sortutako ideia gutxi batzuk kontatu nahi dizkizuet.

Berdeak gara ala berde gaude?

Erabiltzailearen aurpegia Xabi Rico 2012-10-08 10:40   Iritzia

Xabier Rico

 

Gure hiriburu maitea ofizialki berdetu zutenetik bederatzi hilabete pasa dira, haurdunaldi oso bat. Denbora nahiko gure “greentasun” horrek zerbaiterako balio izan digun ikusteko.

Aitor dezadan jadanik inguruko hainbat hiri baino berdeagoa zela Gasteiz izendapen arranditsu hori jaso baino lehen. Berdeguneak ez zaizkigu falta, eraztun berdeak inguratzen gaitu, bizikletaz ibiltzeko bide gorri sarea ere badugu, gizarte etxeak hor daude auzotik mugitu gabe hainbat zerbitzu eskaintzen digutenak eta  abar….Kontu ezagunak dira.

Bahiketa Gasteizen

Erabiltzailearen aurpegia Koldo Alzola 2012-10-01 09:15   Iritzia

Koldo Sagasti

Gasteizko Alde Zaharreko auzokoak kezkatuta daude orain dela egun batzuk ezezagun batzuek bizilagunetako bat desagertarazi zutenetik. Antonio ezaguna zen auzunean. Hemeretzi urte zeramatzan Gasteizen bere Burgoseko jaioterritik etorri zenetik. Berehala murgildu zen hemengo bizimoduan. Hementxe ezagutu zuen gerora bere bikotea izango zena, hementxe egin zituen lagunak, hementxe hartu izan zuen parte hamaika gizarte eta kirol jardueratan, eta oro har, auzoko bizitza sozialean.

Zeintzuk dira galderak?

Erabiltzailearen aurpegia Unai Villalba 2012-09-13 10:02   Iritzia

Unai Villalba

 

Galdera egoki, zehatz eta zorrotzak egitea bizitza honetan ikasi beharreko arte bat da, baita nori zuzendu ere jakitea. Galdera aproposak egiten ez dituenak nekez lortuko du erantzun adierazgarri edo baliogarririk. Hala gertatzen da hainbat egunkarietako tituluekin, ekonomia arloan bai behintzat. Azken hilabeteotan egunero, nahi ala ez, arrisku prima zenbatean dagoen enteratu gara.

Belaunpekoak

Erabiltzailearen aurpegia Manex Agirre 2012-09-10 10:52   Iritzia

Manex Agirre

@manexagirre

 

Martutene. Ramon Saizarbitoriaren azkeneko eleberria, sekulako eleberria da: Gasteizko Irakurle Klubeko kide baten esanetan, “ohean irakurri ezin den horietakoa; sukaldeko mahai gainean bakarrik irakurri daitekeenetakoa”. Sekulakoa, beraz, sekulako pisua daukalako. Baina, txantxa tontoa aparte, sekulakoa da, barruan hartzen zaituelako, eta buru barnean luzerako zokotuko dizkizun bizipenez beteta dagoelako.