Dupla musika talde aguraindarrari egokitu zaio aurten Arabako txotx garaia inauguratzeko lana. Hitzordua hilaren 15ean da, 13:000etan, Askartzako Trebiñu sagardotegian. "Euskal kantagintzari keinu bat egin nahi diogu", azaldu dute Iturrieta, Kuartango eta Trebiñu sagardotegiko arduradunek.
Aurtengoa sagar urtea izan da, eta uzta handia izan dute Euskal Herriko sagardogileek, sagar arbolak bi urtean behin emateko joera baitauka. Sagardo uztaren ezaugarriei dagokienez, bestalde, aurtengoa arinagoa izango da.