Araba Euskaraz 2022

Zortziak bat, Argantzonen alde

Gasteizen egin dute datorren Araba Euskarazen aurkezpena. IKASTOLEN ELKARTEA

Arabako ikastolek Argantzongo ikastolaren alde egingo dute 2022ko Araba Euskaraz ospakizunean. Olarizun egingo da ekainaren 19an.

Aurten 40 urte beteko dira lehen Araba Euskaraz Olarizun ospatu zenetik, eta datorren urteko jaia jaioterrira itzuliko da. Oraingoan, Ikastolen Elkartean bildutako Arabako zortzi ikastolek indarrak batuko dituzte Argantzon ikastolaren alde. Olarizun egingo da euskararen festa, 2022ko ekainaren 19an, igandean.

Edizio honetarako, 1981. urteko aurreneko ospakizunari begira Nestor Basterretxeak egin zituen leloa eta logotipoa berreskuratu dituzte antolatzaileek, eta, markak berrindartzeko erabili ohi den restyling bat eginez, itxura berria eman diote. Bertan ageri diren hostoak "aniztasunaren" ispilu dira, bai ikastoletan bai eta naturan ere. 

Araba, zazpi talde, bat euskararen alde izan zen garaiko leloa, zazpi kuadrilla ofizialak aintzat hartuta. Zortzigarren alaba izango da aurtengo leloa, zortzi ikastolei eta zortzi kuadrillei erreferentzia eginez. 

Gaur egin dute datorren urteko edizioaren aurkezpena Gasteizen. Aurreratu dutenez, Laudioko azken edizioan landutako ereduan sakonduko dute. Hala, "haurrei eta familiei bideratutako" jaieguna izango da, osasun eta segurtasun neurriak bermatuko dituzte, eta adin "guztietarako kultur ekimen askotarikoak" eskainiko dituzte Olarizuko larreetan. 

Erlazionatuak

"Atzerapausoak gertatzen ari dira erabilerari dagokionez"

Araba

Ekainaren 20an Araba Euskaraz ospatuko da Laudion, baina ez da ohiko moduan izango. Laudio Ikastolako zuzendari Jon Bengoetxeak aurkeztu du jaialdia.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide