"Lotsagarria da produktuak euskara hutsez saldu ezin izatea"

Irune Martinez de Antoñana Kanpezuko nekazariak oso argi du: Gasteizko Udalak ez du zuzen jokatu, eta produktuen izenak eta prezioak euskara hutsean iragartzea onartu beharko luke. Bihar frogatuko du aukera hori duen.

Astero bezala Kanpezuko Etxeko Baratza ortu ekologikoko arduraduna Santa Barbarako merkatura hurbilduko da bihar, eta merkatua hasi aurretik Gasteizko Udalaren ikuskariari eskatuko dio argitzea produktuak euskara hutsean saldu ahal dituen edo ez. Irune Martinez de Antoñana nekazaria haserre agertu da aurreko astean haren kontra egindako aktagatik, eta ALEAri azaldu dio zehatz mehatz gertatutakoa.

Postuko bere arbelatxoan produktuak eta prezioak euskara hutsean idazteko debekua "lotsagarria" iruditzen zaiola azpimarratu du. "Lotsagarria iruditzen zait erdaraz dagoenean ez dutelako esaten euskaraz jarri behar dela; niri esaten baldin badidazu erdaraz jarri behar dudala, ados, jarriko dut, inongo arazorik gabe, baina gero erdaraz dutenei esaiezu ere euskaraz ipintzeko" esan du nekazariak.

 

Erlazionatuak

Etiketa euskara hutsean izateagatik kargu hartu diote Arabako nekazari bati

Erabiltzailearen aurpegia Mendialdea

"Ohiko" ikuskatze lanak direla esan dute udaleko iturriek.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide