La Leze gaztandegiak (Ilarduia - Asparrena) nazioarteko arrakasta lortzen jarraitzen du. Urrian estatu osoko artzai gaztarik onena izendatua izan ostean, Espainiako Estatuaren mugetatik harago joan da berriro. Izan ere, Oviedon azaroaren 3an ospatutako World Cheese Awards sari ospetsuen 33. edizioan, Super Urrea domina irabazi du orain, bere Artzai Gazta Idiazabal Baserrikoa gaztarekin.
4.000 gazta baino gehiagoren artean, Idiazabal jatorri izendapeneko gaztandegiek arrakasta itzela lortu dute, eta horietako 35 nabarmendu dira: La Lezek irabazitako Super Urrezko dominaz gain —lehen saria eta aipamen berezia—, bederatzi urrezko domina, zilarrezko hamaika domina eta brontzezko hamalau lortu baitituzte. Epaimahaia 30 herrialdetako 250 epaile inguruk osatu dute, gazta onenen izendapenak argitzeko.
"Jose Mari Jauregi, Elisabeth Gorrotxategi eta euren seme Arkaitz eta Gaizkak artzaintzan jarduteko aurrerapausoa eman ez ezik, kalitatezko gazta egiteari ekin zioten, tradizioz beteriko prozesuari euren ukitu bereizgarria emanez", goraipatu du Artzai Gazta Elkarteak. "Idiazabal Gazta jatorri izendapeneko gaztandegiak berriz ere munduko gazta onenen artean sarituak izan dira, bere kalitate handia ziurtatuz eta gure gaztaren izen ona nazioarte mailan zabalduz".
Ilarduiako LA LEZE gaztandegiak, Artzai Gaztako bazkidea denak, ????SUPER ORO???? domina irabazi du Oviedon ospatutako World Cheese Awards Nazioarteko Lehiaketan, bere Idiazabal Baserrikoa gaztarekin.
— Artzai Gazta - Queso de pastor (@artzai_gazta) November 5, 2021
ZORIONAK! ???????????? pic.twitter.com/fHAAxgc8Oe
