EEE (Euskal Energia Erakundea) eta Iberdrolaren ordezkariek asteazkenean, hilak 14, Azilura egingo duten bisita dela eta, elkarretaratzea deitu du Arabako Mendiak Aske plataformak, 17:30ean. Iruraiz-Gaunako administrazio batzarretako alkateei proiektu eolikoak aurkezteko bilera izango da egun horretan.
Azilukoa ez da datozen asteotan deituta dagoen mobilizazio bakarra. Apirilaren 24an, 12:30ean, Maeztun elkartzeko deia egin du plataformak; eta maiatzaren 22an, 12:30ean, Agurainen.
Bitartean, Arkamu, Iturrieta eta Labrazako proiektu eolikoak bertan behera uzteko alegazioak jasotzen jarraitzen du Arabako Mendiak Askek.
