Astearte honetako 14:00ak aldera, SOS Deiak zerbitzuak jakinarazi du bi kamioik talka egin dutela Donemiliagan, A-3020 errepidean, Araiako noranzkoan.
Hasiera batean, bi gidariak ibilgailuetan harrapatuta gelditu direla eta zaurituak zeudela azaldu dute. Larrialdi-zebitzuak bertaratu dira, eta suhiltzaileak lanean izan dira gidariak erreskatatzeko.
15:00ak pasata, Segurtasun Sailak kamioilarietako bat hil egin dela baieztatu du.
A-3020 errepidea itxita egon da hainbat orduz, eta larrialdi zerbitzuek beste gidaria ateratzea lortu dute, Santiago ospitalera eramateko.
Lan istripu hilgarria
2021ean Araban jazotako bigarren lan istripu hilgarria da. Lehenengoa otsailaren 1ean izan zen, FCCko langile bat Gasteizen hil zenean, bihotzekoak jota. Halaber, lurraldeko errepideetan aurten hildako lehen pertsona da. Aurten sei pertsona hil dira Euskal Herrian lan istripuen ondorioz.
Hildakoa Ourenseko bizilaguna zen, 55 urtekoa. Larri zauritutako beste kamioilaria 46 urteko bilbotarra da.
Istripu larria izan da. Larrialdi-zerbitzuak bertan lanean. Oraingoz, bi pertsona larri zauritu eta harrapatuta geratu dira.
— Arabako Foru Suhiltzaileak (@BomberosAraba) February 9, 2021
Accidente grave. Servicios de emergencia trabajando en el lugar. Por el momento, dos heridos graves y atrapados pic.twitter.com/6ctHoqfkG8