Ostegunean, 19:00etan, Aguraingo leihoetatik eta balkoietatik protesta egiteko deia egin du Aguraingo Mugimendu Feministak, asteburuan herriko emakume batek eta bere haurrak jasan zuten eraso matxista salatzeko. Ordu horretan kazerolada egingo dute.
Aguraingo Udalak ere bat egin du protestarekin, eta mugimendu feministarekin batera, herriko bizilagunei dei egin die bihar, egun osoan zehar, balkoiak eta leihoak morez janzteko. Halaber, emakumeen kontrako indarkeria gaitzesteko puntu lila duen banderola jarri dute herriko udaletxean.
