Bidearen egoera txarragatik, Urbiara kotxez igotzeko erabiltzen den Zalduondoko Zumarraundi bidea ixteko erabakia hartu zuen Zalduondoko Udalak. Eta, egoera honetan, hainbat mendizale igotzen diren egunean ere, San Inazio egunean, hilaren 31n, ezingo da bertatik kotxez gerturatu, Arabako eta Gipuzkoako Partzuergoek ohar batean gogoratu dutenez.
Ondorioz, beste urte batzuetan baino festa "xumeagoa" izango dela aipatu dute. "Partzuergoa osatzen dugun herrietako ordezkarion aldetik, sentitzen dugu egoera honek sor ditzakeen eragozpenengatik. Aldi berean, egoera bideratu dadin lanean jarraitzeko konpromisoa hartzen dugu".
Festari dagokionez, 11:30ean meza eta erromeria izango da ondoren, Maider, Miren eta Agurren eskutik.
