Itxura berria hartzen hasia da Pedroko hezegunea

Auzolandegian eremua txukuntzen ibili ziren iazko uztailean. / Alea

20 espezietako zuhaitz eta zuhaixkak landatu dituzte bertan.

Aguraindik gertu dagoen Pedroko hezegunea berritzeko egin diren lanen inguruko informazioa zabaldu du URA agentziak. Hogei zuhaitz eta zuhaixka espezie landatu dituzte hezegunean, 4.430 ale orotara. Besteak beste, haltzak, lizarrak, astigarrak, basaerramuak, zuhandorrak, hurritzak eta haritzak erein dituzte.

Ingurune horretan urak berez metatzeko joera du, baina iraganean hezegunea drainatu egin zuten, bertako lurrak nekazaritzan erabili ahal izateko. 2007an Aguraingo Udalak lur eremua erosi zuen hegaztiak erakartzeko,  uholdeen arriskua ekiditeko -Egileor eta Santa Barbara ibaiak inguruan daude- eta jendearentzako behatoki bat ezartzeko.

Iaz Auzolandegietako gazteek bertan lanean izan ziren, besteak beste, behatoki modura erabiltzen den etxola berritzen, hesiak txukuntzen eta zuhaitzak landatzen. Gazte hauen lana ere erabakigarria izan da hezegunea txukuntzeko.

Erlazionatuak

Auzolanean, giro onean

Lautada Agurain

Euskal Herriko beste hainbat lekutan bezala, Agurainen auzolandegi batean parte hartzen ari dira hamabost gazte inguru, eremu natural bat berreskur...

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide