GEU elkarteak 25 urte

Gasteizko euskaldunen jaia ospatuko dute larunbatean

Erabiltzailearen aurpegia
GEU elkarteko kideak, Aihotz plazan.

GEU elkarteak 25.urteurrena ospatuko du, eta hiriko euskaldun guztiak elkartu nahi ditu Gasteizen, egun osorako prestatu duen egitarauarekin.

Orain hogeita bost urte sortu zen GEU elkartea Gasteiz euskaldunago bilakatzeko helburuarekin. Mende laurden beranduago egindako bidea ospatu eta erronka berriei heltzeko bidelagun berriak nahi ditugu.

Bestetik, Gasteizko Mintzalaguna egitasmoak hamar urte bete ditu aurten. Lehenengo urtean ehun lagun hasi ziren astero astero ordubetez euskaraz mintzatzeko elkartzen. Kopuru hori biderkatzen joan da urtez urte, eta dagoeneko 700 lagunek osatzen dute mintzalagunen sarea Gasteizen.

Asko dugu elkarrekin ospatzeko, eta horretarako, Egin dezagun kale! eguna antolatu dugu. Gasteizko euskaldunak kalean elkartuko gara urriaren 28an, kalean egingo dugu euskaraz! Hori dela eta, Gasteizko euskaldun guztiak gurekin eguna ospatzera gonbidatu nahi ditugu.

 

Egitaraua

Atzo, gaur eta biharko Gasteiz euskalduna bisita gidatua 

Oihaneder Euskararen Etxea · 11:00

Mikro-antzerki saioak 

Ortzai / Nisune (ZAS espazioa) / Nahia Hualde (Baratza aretoa)

12:30-14:00 Argibideak eta sarrerak 

Prezioa: saio bakoitza 2 euro/  Hiru saioak: 5 euro

Bazkaria 

Landatxo kiroldegia · 14:30  Bazkari txartelak > 20 euro Eskatzeko>  info@geuelkartea.eus / 945222153 /688819118 (watxap) 

*GEUko bazkideei, ALEAko harpidedunei eta Gasteizko Mintzalagunei eskaintza berezia: Bazkaria +Mikro-antzerkirako sarrerak: 20 euro.

Larunbatak (ere) jai! · Pupu eta Lor

Landazuri eskola · 17:00 ·  Gonbidapenarekin bakarrik*

Egin dezagun Kale-jira!

Andre Mari Zuria · 19:00

Joselu Anaiak 

Falerina Lorategia · 20:30

 

Informazio gehiago: GEU elkartea

 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide