Gasteizen euskaraz bizitzeko ametsari jarraiki jaio zen GEU elkartea duela 25 urte. Tartean, hamaika egitasmo jarri ditu martxan hirian euskararen erabilera sustatzeko; besteak beste, Arabako ALEA egitasmo komunikatiboa, Gasteizko Mintzalaguna, Irakurle Kluba, GEUrekin mendira, Igandeak Jai eta Gasteizko Jaietako GEU txosna.
Orain, eta bide horretan urrats berriak egiteko asmoz, bidelagun berrien bila dabil elkartea. Hala, Has Gasteizen bazkidetza kanpaina abian jarri du, guztion artean "elkarrekin euskaraz bizitzeko".
Urteko bazkidetza kuota 30 eurokoa da. Bazkide izateak GEU elkartearen egitasmo guztiak babestea dakar, baina horrez gain beste abantaila batzuk ere baditu; hala nola, elkartearen inguruko informazio guztia jasotzea, elkartearen batzorde ezberdinetan parte hartzeko aukera izatea, antzerki zein emanaldi ezberdinetarako sarreretan eskaintza bereziak edukitzea, ALEA aldizkariaren harpidetzan deskontua lortzea, etab.
Has gaitezen elkarrekin euskaraz bizitzen!!
Has Gasteizen euskaraz!