Harrimena Lantzeko Ariketak

Ruanda (eta II)

"Zer dakite Erresuma Batuan Ruandaz?", AA-ren arabera. Dall-E, Bing.

"Ruanda planarekin, pertsona zaurgarriak babestu nahi dituztela ziurtatu du Sunakek…"

Manomanon jarraitu dugu Pessoak eta biok…

(Pessoak) Boris Johnsonek proposatu zuen Ruanda plana lehenik. Geroago, egitasmoa landuta eta Jonhnson gabe, ahoan bizarrik gabe jakinarazi zuten Erresuma Batuko gobernutik: 2022az geroztik herrialdean legez kanpo sartutako asilo-eskatzaileak –pertsonak– Ruandara bidaltzea. 150 milioi dolar tarteko, baiezkoa eman zuen Kigalik.

(Nik) Lotsaren lehen hegaldia antolatua zutela, Europako justiziak lortu zuen hegazkina ez aireratzea. Giza eskubideen oinarrizko urraketagatik. Ondotik, Erresuma Batuko Gorte Gorenak ere legezko trabak jarri zizkion planari. Oraintsu, baina, Ruanda teknikoki "herrialde segurua" dela izendatzea lortu du Sunak buru duen gobernuak.

(Pessoak) The Times-en arabera, Botswana, Boli Kosta, Costa Rica eta Armeniako gobernuei ere proposatu die antzeko itunak sinatzea –Costa Ricak publikoki eman dio ezezkoa hitzarmenari–.

(Nik) Ruanda planarekin, pertsona zaurgarriak babestu nahi dituztela ziurtatu du Sunakek…

(Biok) …eta negozio immoralean ari diren mafiak borrokatu.

Edu Zelaieta Anta.

 

Iritzi artikulu hau argitaratzean, ALEAk ez ditu bere gain hartzen egileak adierazitako iritziak, ezta horiekin lotutako erantzukizunak. Zure iritzia bidali nahi baduzu, idatzi erredakzioa@alea.eus helbide elektronikora.

 

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide