Zein da Gasteizko patata tortillaren onena? biraren lehen atalean izandako arrakasta ikusita, eta helarazi zenizkiguten iruzkin guztien ostean, nahikoa kasu egin dizuegu, eta oraingoan zuen gomendioen arabera probatu ditugu tortillak.
Hemen duzue bigarren atalaren kronika:
- 01 Chapoo: Gasteizko beste taberna mitiko bat jaki honekin gozatzeko. Tortillari hamar bat, errazio ederra, gatz eta egosketa puntu ona, eta tamaina handikoa. Ezinbestekoa.
- 02 Koko Bar: Esan behar dugu inoiz probatu gabe genuela, eta, hainbeste aldiz gomendatu digutenez, sekulako itxaropena genuela tortilla honekin. Eta... Bai, izugarria izan da. Tortilla atera berria, oso mamitsua, eta patataren puntu ezin hobea. Esan behar dugu Gasteizko patata tortillarik onena izatetik oso gertu dagoela.
- 03 La Riojana: Piperminez betetako tortilla batez gozatu ahal izan dugu. Patataren zaporea ona da, baita egosketa ere.
- 04 Aketegi: Gasteizko beste leku kuttunetako bat patata tortilla pintxo bat jateko. Oinarrizko tortilla ikaragarria da, eta beste zapore batzuk badituzte ere: hala nola, odolkia edo bakailaoa.
- 05 Rioja 3.0: Taberna hau orain deskubritu dugu, eta itzela da. Patata tortilla zati handi bat, momentuan ateratakoa, eta oso handia. Goitik pixka bat gehiegi eginda, baina, oro har, bikaina.
- 06 Anboto Jatetxea: Bere patata tortilla dastatu dugu: oso mamitsua, oso zapore onekoa eta gatz ukitu perfektuarekin. Natxoz apaindutako boloñesa probatzeko aukera izan dugu ere.
Eskerrik asko Gasteizko patata tortillarik onena bilatzeko argitalpen hauetan emandako babes eta laguntzagatik. Zuen iritzia eman, eta laster sorpresaren bat edo beste iragarriko dugu.
Jarraitu Disfrutometroa Instagramen: @eldisfrutometro
