Koldo Markinez. Sagardogilea

"Badakigu non gauden eta zein den egoera; Trebiñu kondenatua da hau"

Erabiltzailearen aurpegia Amaia Ramirez de Okariz Kortabarria 2019ko abe. 10a, 09:27
Ezkerrean, Koldo Markinez sagardogilea (Askartza, Araba, 1958). / Argazkia: Trebiñu Sagardotegia

Markinezek Trebiñuko Askartzan sagardotegi bat irekitzea erabaki zuen orain hamahiru urte. Gasteiz inguruko herritar ugari joaten dira sagardotegira, eta han sortzen den giroak sagardotegiko "esentzia" mantentzen duela esan du.

Duela 30 urte hasi zen sagarrondoak landatzen Koldo Markinez (Askartza, Araba, 1958) sagardogilea, Askartzan. Urte batzuen ostean, erabaki zuen sagardotegi bat zabaltzea; orain, bertan ari da lanean familiarekin. Administrazioari dagokionez Burgosko (Espainia) lurretan egonda ere, sagardotegian euskara lehen lerroan jarria dute. Areago, Markinezek adierazi duenez, azken 50 urteetan Trebiñun aldaketa "nabarmenak" egon dira.

Sagardotegi bat Trebiñuko Askartza herrian. Nolatan?

Sagarrondoak landatzen hasi nintzen etxalde batean duela 30 urte inguru. Pixkanaka sagarrak ematen hasi ziren, eta orduan egin genuen lehen sagardoa. Baina iritsi zen garai bat non geroz eta sagar gehiago genituen, handitu egin baitziren. Ordura arte, sagardoa azoketan eta tabernetan saltzen genuen, baina pauso bat gehiago ematea erabaki genuen: sagardotegia irekitzea.

Sagarrak ez dira Trebiñuko produkziorik ohikoenak.

Hemen garia eta garagarra dira nagusi, eta garai batean baita patata ere. Baina egia da Askartzako etxeetan sagarrondoak betidanik egon direla. Azken batean, hemen neguan ez dago jateko frutarik, eta, beraz, sagarrak ganbaretan mantentzen ziren. Errege sagarrak izan ohi ziren, oso gogorrak mantendu ahal izateko. Hori oinarri hartuta, zerbait berria egiteko nahia nuen, eta sagarrondoak landatzeari ekin nion.

Elkarrizketa hau Berriak argitaratu du eta Creative Commons by-sa lizentziari esker ekarri dugu ALEAra. Amaia Ramirez de Okariz Kortabarriaren jatorrizko albistea eta elkarrizketa osoa hemen dituzu ikusgai.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide