Amurrioko eta Laudioko jaiak ez dira ospatuko aurten

Erabiltzailearen aurpegia
Aurten ez dira ohiko jaiak egingo, ez Laudion ezta Amurrion ere. / AIARALDEA

Covid-19ak sortutako osasun-krisia dela eta bi herrietako alkateek aurtengo edizioak bertan behera uztea erabaki dutela adierazi dute, nahiz eta formatu txikiagoko hainbat ekintzen aldeko apustua egingo dutela gehitu.

Bertan behera geratuko dira aurtengo Amurrioko eta Laudioko jaiak, bi udalek ohar bateratu batean adierazi dutenez. Osasun agintariek eta Eudelek emandako gomendioak jarraituta, biztanleentzako behar adina segurtasun bermatzea ezinezkoa dela ikusi dute eta jaiak aurtengo egutegitik kentzea erabaki dute.

Dena den, Covid-19ak sortutako testuingurura egokitzen den kultura eta aisialdi programa alternatiboa lantzen ari dira jada bi instituzioetatik, Josune Irabien Amurrioko alkateak eta Ander Añibarro Laudioko alkateak jakinarazi dutenez. Ekintza horiek, halabeharrez, formatu txikikoak izango direla gehitu dute bi alkateek, kutsadurak sortzeko aukerak murrizteko: “Kale-animazioa, antzerkia, musika eta abar, betiere edukiera mugatzeko neurriak hartuta, eserita, sarbideak kontrolatuta eta pilaketak saihestuz”.

Albiste hau Aiaraldeak argitaratu du eta Creative Commons by-sa lizentziari esker ekarri dugu ALEAra. Jatorrizko albistea eta informazio osatuagoa hemen duzu ikusgai.

Erlazionatuak

Ofiziala da: 2020ko Gasteizko jaiak bertan behera geratu dira

Araba

Gasteiz, Bilbo eta Donostiako udalek abuztuan jairik ez egitea adostu dute, osasun alorreko aholkuak eta ekitaldi jendetsuak egiteko ezintasuna kon...

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide