Adif-ek jakinarazi du 2017ko amaieran esleipena abiatzeko asmoa daukala Aretako geltokia ixteko eta irisgarritasuna bermatzeko.
Horrela, erakundeak iragarri du lur azpiko pasabidea eraikiko duela, igogailuak jarriko dituela eta eremua hesiak erabilita itxiko duela. Gainera, nasak handitu nahi ditu eta argiteria berritu.
Antza, Adif-ek 2 milioi euro inbertituko ditu hori guztia gauzatzeko.
2016ko irailean emakume gazte bat hil zen Aretako geltokian jazotako istripuan. Hasieran, zenbait hedabidek zabaldu zuten neskaren deskuidua izan zela, baina geroago familiak nabarmendu zuen ez zitzaiola gorpuari aurikularrik topatu eta zendutakoak ez zuela sare sozialik erabiltzen, hortaz, litekeena zela geltokiaren egoerak eragitea ezbeharra.
