- Azaroaren 23an, ostiralean, Ribabellosan, Euskaraldiaren hasiera ospatzeko, Egur Taupadak antzezlana eskainiko da gizartetxe berdean, 18:00etan; eta ordu bete beranduago, 19:00etan kantu poteoa egingo da, herriko plazatik hasita.
- Azaroaren 30ean, ostiralean, Langraitz Okan, 18:00etan, Errementari pelikularen proiekzioa egingo da, eta Paul Urkijorekin mahai-ingurua. Halaber, 20:00etan poteoa izango da gizartetxetik hasita.
- Abenduaren 1ean, larunbatean, egun osoko egitaraua prestatu dugu, Gesaltza-Añanan. Eguerdiko 12:00etan, herriko plazan herri kirolak familian gozatzeko aukera izango da. Bazkari herrikoia ere antolatu da, Gatzalde Elkartean, 15:00etan. Aurretik, haurrentzako bazkaria izango da, 14:00etan, eta jarraian haurrentzako tailerrak egongo dira. Izena emateko anana@euskaraldia.eus posta elektronikora idatzi behar da, azaroaren 28a baino lehen. 16:30ean helduentzako bakarrizketa egingo da Jose Cruz Gurrutxagarekin Gatzalde Elkartean bertan, eta 18:00etan Kidam magoaren ikuskizuna izango da Gatz Haraneko erabilera anitzeko gelan. Azkenik, 19:00etan Euskaraokea eta dantzaldia izango dira bolatokian.
- Abenduaren 2an, igandean, Urribarri Gaubean ospatuko den ekoizleen azoka bereziaren barruan egurrezko jolas erraldoiak prestatu dira haurrentzako, frontoian bertan, eta euskal musikaz alaituko da merkatua.
Ekitaldi ugari Añanako Kuadrillan Euskaraldia sustatzeko
2018ko aza. 20a, 09:00
Azaroaren 23tik Abenduaren 3ra bitartean Euskaraldia ariketa sozialaren barruan eta Añanako Kuadrillako Ahobiziak eta Belarriprestak biltzeko eta elkar ezagutzeko, hainbat ekitaldi antolatu dira udalerri guztietan: antzerkia, 'Errementari' filmaren proiekzioa, kantu poteoak, triki-kalejirak, eta bazkari herrikoia besteak beste.
ALBISTEAK MUGIKORREAN
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?
Izan zaitez ALEAkide