Harrikada festibalaren laugarren edizioak Izarrako Ostuño parkea hartu du uztailaren 17tik 19ra. Hiru egunez, musika elektronikoa, arte garaikidea eta ikuspegi queer zein transfeminista uztartu ditu jaialdiak, zirkuitu hegemonikoetatik kanpoko artistei eta kolektiboei lekua eskainiz.
Lady Starlight estatubatuarra izan da aurtengo kartelburua. Harekin batera, Anne, Blanka, DJ Maria, Amphia, Kala Ros, Kika1000, Gauak, Disordex eta Puñales aritu dira, besteak beste. Musika eskaintzaz gain, drag ikuskizunak, dantza, performanceak, tailerrak eta instalazio artistikoak izan dira Ostuño parkean eta Izarrako udal igerilekuaren inguruan.
Beste urte batez, dantzarako, adierazpen artistikorako eta askatasunez elkartzeko eremu bihurtu da Izarra. Hona hemen Harrikadaren laugarren edizioak utzitako irudietako batzuk.