[KORRIKA KULTURALA] Bertso bazkaria

Apirilaren 6an iritsiko da Korrika Zigoitira, baina Zigoitiko Korrika Batzordeak eta Zigoitiko Udalak egitarau zabala antolatu dute martxoan zehar, beroketa-ariketak egiteko. Egun osoko egitaraua prest dago: Goizean, familiei zuzenduta, taloak egiteko tailerra eta herri kirolak. Dena, txistularien taldeak girotuta. Bazkalaurretik, BERBAPASA: hitzekin jolasteko aukera paregabea. Eta, ekitaldi nagusi modura, BERTSO-BAZKARIA, Xabi Igoa eta Onintza Enbeita bertsolariekin, Gopegiko txokoan. Etortzeko asmoa duenak izena eman behar du martxoaren 18a baino lehen, zentro soziokulturalean.