Koronabirusa

Odol erauzketak Arrasaten egin daitezela eskatu du Aramaioko medikuak

Aitor Montes, Aramaioko familia medikua. / GOIENA

Aramaioko familia mediku Aitor Montesek idazki bat helarazi dio Arrasateko Lehen Mailako Arreta Unitateari, odol erauzketak Arrasaten egin daitezela eskatzeko.

Aitor Montesek idazkian ohartarazi duenez, Aramaioko kontsultategiko itxaron-gelan jende pilaketak sortzen ari dira. "Pandemia egoeran gaude eta derrigorrezkoa da distantziak gordetzea eta segurtasun neurriak zorrotz betetzea", azpimarratu du Aramaioko familia medikuak. Izan ere, Aramaion odol erauzketak egiten ari dira "gela txiki batean, eta, aldi berean, itxaron gela oso txikia da".

Bertan ikusten ari diren jende pilaketak pandemia egoeran "saihestu beharreko egoera" dela uste du Montesek, eta, horregatik, pandemiak dirauen bitartean odol erauzketak Arrasaten egin daitezela eskatu du.

"Erabakia ez dagokit niri, zuzendaritzari baizik; baina medikua naizenez, nire betebeharra da egoera horretaz jakinaraztea eta salatzea, beharrezkoa bada", azaldu du. Hortaz, Arrasateko Lehen Mailako Arreta Unitateko zuzendaritzari helarazi dio eskakizuna.

Arrasateko Lehen Mailako Arreta Unitateari helarazitako gutuna. / AITOR MONTES
Erlazionatuak

"Elkartasuna eta ikuspegi globala dira pandemiatik ateratzeko bide bakarrak"

Araba

Txertoa jaso duten osasun langileetako bat da Aitor Montes, Aramaioko familiako medikua. ALEArekin hitz egin du, eta oso kritiko agertu da gizartea...

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide