[JAIA] Zuia Euskaraz Eguna 2020

Ezin da herritarrik bildu, beraz, Bidera goaz! lelopean herritarrengana joango da aurten Zuia Euskaraz Eguna. Ekainaren 27an, larunbata, 10:30ean hasita, Zuiako herrietan zehar ibilbidea egingo dute.

Ibilbidean parte hartzeko, hiru modu proposatu dituzte:

• Autoan: Murgiako plazan, 10:30ean, hasiko da ibilbidea, eta furgonetak markatuko du erritmoa.
• Bizikletan: ibilbide osoa egin nahi ez dutenek, nahi duten herria aukeratu eta hurrengo herrirako bidea egin dezakete, karabanarekin batera.
• Mugitu gabe: Zuiako herri guztietatik pasatzeko asmoa dago. Bat aukeratu, ordutegia begiratu, eta furgonetari harrera egiteko aukera ere badago.

Gainera, herri bakoitzean sorpresa bat prestatu dute.