Azaroaren atarian, Euskaraldiaren oihartzuna gero eta handiagoa da Gorbeialdeko udalerrietan. 600 herritarrek baino gehiagok eman dute jada izena, kuadrilla osatzen duten sei udalerrietan. Horietatik, 400 baino gehiago dira Ahobiziak, eta gainerakoak Belarriprestak.
Internet bidez eman daiteke izena, ondorengo helbidean: http://izenematea.euskaraldia.eus. Bestetik, Gorbeialdeko Kuadrillan, ondorengo lekuetan eman daiteke izena, inprimakia beteta:
Aramaion: udaletxean eta liburutegian.
Legution: udaletxean eta liburutegian.
Arratzua-Ubarrundian: Sologana gizarte etxean.
Zigoitian: gizarte eta kultur zentroan.
Zuian: udaletxean eta liburutegian.
Urkabustaizen: udaletxean eta liburutegian.
Era berean, herriz herri ohiko moduan antolatzen diren festa, azoka eta bestelako ekitaldietan ere izena emateko mahaia aurkitu ahal izango du hala nahi duenak.
ALBISTEAK MUGIKORREAN
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?
Izan zaitez ALEAkide