Legutio Bizirik eta Usansolo Herria plataformek elkarretaratzea zuten deituta herri bietan, Legution zein Usansolon. Legutiokoak plazatik abiatu ziren 18:30ean, eta herria zeharkatu ostean, Etxebarri auzoko zubian ordu erdiko protesta zaratatsua egin zuten.
Araba eta Bizkaia arteko errepiderako "premiazko neurriak" eskatu dituzte; tartean, trafiko astuna eta garraio berezia bidetik kendu dezatela, abiadura murrizteko neurriak hartu ditzatela, seinalizazioa hobetzea edota Elosuko bidegurutzeari irtenbide egokia bilatzea. Horrekin batera, ohartarazi dute errepidearen egoerak gertatzen diren istripuen %5a baino ez duela eragiten.