alea.eus

Legutio Bizirikek batzarra deitu du astelehenean, errepidea berritzeko lanen hasieraren kontra

Mirian Biteri 2018-05-11 11:03   Gizartea  Gorbeialdea  Legutio

Plataformak arbuiatu du herritarren eta Diputazioaren artean "adostasunik" egon denik.

Asteon jakinarazi du Diputazioak N-240 errepidea berritzeko obrak ekainean hasiko direla. Horren aurrean, batzarra deitu du Legutio Bizirik herri plataformak. Astelehenean, maiatzak 14, izango da Legutioko kultura etxean, 19:00etan.

Plataformako kideek iragarri dute bilkura horretan proiektuaren inguruan bildu duen dokumentazioaren berri emango duela. Gogorarazi dute proiektua egiterako orduan ez dela Diputazioa eta herritarren arteko "akordiorik" izan, eta onartutako egitasmoa ez dela aproposa "agerian dagoen eta irtenbide baten beharra duen arriskua" konpontzeko. Horrekin lotuta, gaineratu du "premiari" erantzun behar diola, eta ez "Diputazioko bakar batzuen interesei".

Batzar berean datozen egunotan antolatuko diren protestak ere ezagutaraziko ditu plataformak.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa