Zeledoni datorren urtera arte agur esateko ordua iristear dela, denetariko jardueratan eman dute goiza gasteiztarrek zein bisitariek. Musikari, fanfarre eta bestelakoen partetik alaitasuna eta girotzea ez dira faltan egon goiz osoan, eta herri kirolek Foru plaza hartu dute berriz. Andre Maria Zuriaren plazan igerilekua eta guzti paratu dute, eta bertsoak, dastaketak, haurrentzako zirkua, jotak edota jolasak izan dira beste aukeretako batzuk.