Ehunka pertsona hurbildu dira bigantxen ikuskizuna bertatik bertara ikusteko zezen plazan. Taldeka jolasak egiten hasi dute saioa, ariketa ezberdinak eginez, tenislariena edo "printzesa eta zaldunaren" jokoa, esaterako.
Gerora jaitsi dira parte hartu nahi zuten guztiak plazara, eta bigantxak ateratzen joan dira. Dozenaka gazte aritu dira korrika, eta ubelduren bat ere eramango dute zenbaitek. Egunero 10:30ean hasiko da bigantxen ikuskizuna Iradier Arenan, jaiek iraun bitartean.