Zortzigarren urtea da Los Alegrios blusa eta neska taldeak goitibehera txapelketa antolatzen duena Gasteizko jaietan. Aurtengoak sekulako arrakasta izan du, 31 parte hartzailerekin.
Denetariko erreferentziak izan dira garraioen dekorazioan, baina nabarmenenak filmeetakoak izan dira; hala nola, minionak, Stich eta mamu-harrapariak (Ghostbusters) izan dira txalotuenak. Kritikarentzako ere lekua egon da aurten, Batasuna kuadrillakoek beraien autoa hostoz eta adarrez bete baitute, lorezainen grebari aipu eginez. Gainera, autoaren gainean kartel bat jarri dute, "green, green, berdez pasatu gara" esaldiarekin.