25 barraka daude Mendizabalean, Andre Maria Zuriaren jaietarako. Haurrei zuzendutako hamalau atrakzio jarri dira aurten, ohe elastikoak, noria, Jump Stick edo Jumping jolasak, esaterako. Eta helduentzako ere beste 11 atrakzio, hala nola, matxinsaltoa, Rocket, Olla, Dragoia edo Autotxokeak. 17:00etatik aurrera egoten da zabalik eremua, eta abuztuaren 6an goizez ere bai, 12:00etatik 15:00etara, prezio herrikoiekin.
Bestalde, ostalaritzako postuak eta jolas tradizionaletako gune bat ere badaude Mendizabalean. Hamasei janari eta edari postu jarri dituzte, eta beste hamasei joko postu, izan bingoak, tonbolak edo tiro postuak. Rossi Show Time zirkoa ere badago gunean, abuztuaren 10a arte.
Prezio herrikoiak
Bi egunez beherapen bereziak izango dituzte atrakzioek, irisgarriago izateko. Abuztuaren 6an goizez eta abuztuaren 10ean arratsaldez izango dituzte prezio herrikoiak barrakek.