Andre Maria Zuriaren jaien harira bola joko arabarraren erakustaldia ikusteko aukera izango da goizero, 10:00etan, Foru plazako bolatokian. Araba bola joko elkarteak antolatuta, hiru kategoriatan arituko dira jokalariak, gizonezkoak, emakumezkoak eta absolutua.
Belaunaldi aldaketa kostata egiten ari badira ere, 50 nerabek parte hartzen dute elkartean, 650 bazkide dira guztira. 58. bola joko erakusketa da aurtengoa, eta ikusi ahal izan dira aurpegi gazteak ere boloari eragiten.