Basatiak blusa eta nesken kuadrilla izan da berriz ere garaile upelen lasterketan. Hemezortzi talde aritu dira 225 litroko upelak eramaten, baina areriorik ez dutela erakutsi dute aurten ere, zortzigarrenez.
Tania Calvo txirrindulariak ohorezko hasiera eman dio lasterketari, 11:00etan, eta ziztu bizian atera dira upelei bultza eginez. Plaza Berrian hasita, lau lagunen artean upela garraiatu behar izan dute, lurretik altxatu gabe bueltak emanez. Eta 225 litro ardo irabazleentzat; berriz ere, Basatiak kuadrillarentzat.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.