Gasteizko Txosnen egitarau osoa iragarri dute

Agerraldia egin dute gaur Gasteizko Txosnetako antolatzaileek, aurtengo jaietako kartela eta egitarau osoa aurkezteko. Gero eta gertuago daude Gasteizko Andre Maria Zuriaren jaiak, bi hilabete baino gutxiago falta dira jadanik. Jaiekin batera, EHUren Gasteizko campusera itzuliko dira txosnak. Aurten abuztuaren 4tik 9ra ospatuko dira jaiak, astelehenetik larunbatera bitartean, hiru karpa eta 40 kontzertu, ikuskizun eta emanaldi inguru izango dira Gasteizko Txosnagunean.

Hauek dira Gasteizko Txosnetako hiru oholtza nagusietan —oholtza nagusia, Entxosnatu Karpa eta Gazte Karpa— arituko diren musika talde eta DJak. Askotariko proposamenak izango dira, gustu eta estilo anitzekoak, baita sorpresaren bat edo beste ere. Txosnetako leloa, aurten ere, Entxosnatu, etorri gugana! izango da.

ABUZTUAK 4 ASTELEHENA

Mildeo, Olatz Salvador, Pluk, Akerbeltz erromeria, Guate-K eta M. Ravarino.

ABUZTUAK 5 ASTEARTEA | Elkartasun eguna

Herra, Arene 6, Afro Beats, Brigade Loco, DJ Lobak, Mdm eta I+D.

ABUZTUAK 6 ASTEAZKENA | Ikasle eguna

Dena, Pubic Enemy, Aimarz, Biznaga, Eteranal eta Rosa Mari.

ABUZTUAK 7 OSTEGUNA | Gazte eguna

Zankarron Blues, Fermin Muguruza, DJ Sorpresa, Fifi eta Fefa, eta Elepunto.

ABUZTUAK 8 OSTIRALA

Estoldetan, Kokein, Marte Lasarte, Sustrai Berriak, Bizardunak eta Suziri Krew.

ABUZTUAK 9 LARUNBATA

Anixe, Safu, 721, Hofe, Andrigina Show, DJ Wellington eta Sqlent.

Nafarroatik Gasteiza etorriko da, berriz ere txosnagunea alaitzera. Oraingo honetan, oholtza nagusia beteko du Hofek.

Zumarragako artista gaztea lehen aldiz izango da txosnagunean. Gazte Karpa dantzan jarriko du bere doinuekin.

Rock'n'roll hirukoteak irabazi du aurten Gasteizko Txosnen banda lehiaketa. Entxosnatu Karpa dantzan jarriko du Arabako Errioxako taldeak.

Laukote madrildarrak bere punk-rock doinuak ekarriko ditu lehen aldiz Gasteizko txosnagunera. 

Erromeria kontzeptua birmoldatuta dakar Akerbeltz taldeak, sustraietatik berrienera. Beste urte batez izango dira txosnetako oholtza nagusian.

Artista irundarrak Gasteizen egingo du geldialdia, bere agur biraren barruan. Oholtza nagusian kontzertua emango du, abuztuaren 7an, hainbat kidez lagunduta.

Talde nafarra beste behin izango da Txosnagunean, oholtza nagusia dantzan jartzeko.

Bakarlari donostiarra lehen aldiz izango da Txosnagunean. Oholtza nagusian arituko da, txosnen egitaraua zabaltzen.

Ondarroako hirukotea Entxosnatu Karpako oholtzan izango da.

Bergarako taldea disko berria aurkezten arituko da oholtza nagusian. Bigarren aldiz Txosnagunean.

Gasteizko drag performer androginoa Entxosnatu Karpa iraultzera etorriko da aurten.

Pop elektroniko laukote donostiarra bere lehen diskoa aurkezten arituko da, lehen aldiz Gasteizko Txosnetan.

Gazte Karpa dantzan jarriko du zortzikoak, Arabako Errioxatik zuzenean.

<

Rap abeslari eta dantzari nafarrak oholtza nagusia hartuko du bere hip-hop doinuekin.

Txosnetako banda lehiaketako Gazte Sariaren irabazlea izan zen bikote gasteiztarra. Gazte Karpan arituko dira aurtengo jaietan.

Rock talde eibartarra beste behin itzuliko da Txosnagunera. Entxosnatu Karpa saltoka jarriko dute beren doinuekin.

Iruñeko punk-rock taldeak bere abestiez beteko du Gazte Karpa.

Madrildik punk doinuak ekarriko dituzte txosnetara, lehen aldiz Gasteizko jaietan.

Entxosnatu Karpan izango dira Anixeren urban doinuak.

Lehen aldiz izango da Txosnagunean boskote gasteiztar gaztea.

Uribe kostatik zuzenean, beren punk-oi doinuez beteko dute oholtza nagusia.

Aretxabaletako zazpikoteak punk-oi eta musika urbano doinuak nahastuko ditu Gazte Karpan.

Arabako Mendialdetik dator boskotea, Gazte Karpako buruak astintzeko bere metal erritmoekin.

Gazte Karpa dantzan jarriko du DJ bikoteak.

Iazko arrakasta errepikatu asmoz, Ondarroatik zuzenean, sutan jarriko du Entxosnatu Karpa.

Gazte Karpan arituko da DJ hirukotea.

Beste behin ere, mamarratxeoa eta tekno pornoa herriarentzat, Entxosnatu Karpan.

Suziriko kideek sutan jarriko dute Entxosnatu Karpa.

Gazte Karpa beteko dute beren jai giroaz.

Entxosnatu Karpan izango da Mdm-ren musikaz gozatzeko aukera.

I+D DJa Entxosnatu Karpa lehertzera dator aurten.

Entxosnatu Karpako gaua berotuko du M. Ravarinok.

Entxosnatu Karpan izango dira Suqlent eta bere gau-jaia.