Gasteizko Euskharan kultur elkarteak udalarekin akordio bat lortu du, eta, horri esker, bere ohiko jarduerarekin jarraitu ahal izango du. Hala, irailetik aurrera, ikasturte berrirako —2025-2026 urteari dagokiona— finantzazioa ziurtatuta izango dute, ohiko diru laguntzen bidez. Une hori iritsi arte, gainera, ekainera bitarteko finantzazioa ere adostu dute udalarekin, 2024-2025 ikastaroa amaitu ahal izateko.
"Datozen hilabeteotan auzoko beharrak aztertu eta proiektua bera indartzeko bideari ekitea espero dugu, zuek emandako bultzadari esker, besteak beste", aurreratu dute. "Bide horretan berriz topo egitea zoragarria litzateke. Hala izan bedi".
Akordioaren iragarpenaz baliatu dira ere "une zail hauetan" hainbat norbanako eta elkarteren partetik jaso duten babesa eskertzeko, eta herritarrei gogoratu diete "Amaia Zentroan euskaraz bizi eta eragiteko arnasgune bat" dutela Aranbizkarrean.
