Irudimenari atea, Zaramagako espaloietan

Erredakzioa 2025ko urt. 31a, 13:28

Argazkia: IDarte

IDarte arte eta goi mailako diseinu eskolako lehen mailako ikasleek Zaramagako kaleetara eraman dute aurten euren irudimena eta lana, Amurrio kaleko parke ingurua biziberritzeko asmoz. 

Gasteizko Udalak hezkuntza zentroarekin hitzartuta duen itunari esker, proiektu honekin talentu gaztea sustatu eta artearen bidez espazio publikoak berreskuratu nahi dituzte. Aurtengo esku-hartzea lehen mailako ehun ikasle inguruk egin dute, eta iaz egindakoari batu zaio; orduan, erabiltzen ez ziren hamar telefono kabinari bizitza berri bat eman zieten ikasleek.

"Zuen konpromisoari eta dedikazioari esker, hitzarmen honek bizirik jarraitzen du, talentu gazteen inspirazio-iturri bihurtuz eta haien sormena gure hirirako ekintza eraldatzaile bihurtzeko beharrezko tresnak emanez. Laguntza eta motibazio hori funtsezkoak dira proiektua arrakastatsua izan dadin", esan die ikasleei Beatriz Artolazabal saileko zinegotziak.

Ehun ikasle inguruko parte hartu dute jardueran. Argazkia: IDarte.

Izan zaitez ALEAkide!

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.

Informazio gehiago