Olarizu Eguna hasi da udalbatzak Gasteizko udalerriko mugarrietara egiten duen bisitarekin. Aurten, udaleko ordezkariek Andollu eta Okina arteko 38 mugarriak zeharkatuko dituzte, hamaika kilometroko ibilbidean. 14 kontzeju bisitatuko dituzte, besteak beste, Jungitu, Arkaia, Trokoniz eta Egileta. Hitzordua ohi baino ordubete lehenago hasiko da. 08:00etan abiatu da udalbatza Plaza Berritik.
Olarizuko zelaietako erromeriaren egitaraua, berriz, 13:00etan hasiko da, Boilurrek antolatzen duen babarrun janarekin; eta handik gutxira, udalbatza iritsiko da Olarizura. Arratsaldean zehar umeentzako jolasak, musika, dantzak, herri kirolak eta pintxo solidarioa izango dira (bildutako dirua Caritasi emango zaio). 18:00etan, euskal dantzen erakustaldia hasiko da, Arabako Dantzarien Biltzarraren eskutik; eta 18:45ean Larrain Dantza eta Txulalai, Udalaren Folklore Akademiako gaita joleen eskutik. 20:00etan, udalbatza Plaza Berrira itzuliko da eta Udal Bandak harrera egingo dio. Zezensuzkoak emango dio amaiera egunari.
Trabak zirkulazioan
Erromeria dela eta, 08:00etatik 22:00etara, ibilgailu guztiei zelaietarako sarbidea itxiko zaie. Txosnak muntatzeko eta zelaian egiten diren jardueretarako baimena dutenak baino ezingo dira igaro. Era berean, ordutegi berean, ibilgailuei Olarizuko zelaietarako sarbide guztiak itxiko zaizkie honako kale hauetan:
- Olarizuko hiribidea, Heraclio Fournier kalearekiko bidegurutzean, merkataritza guneko aparkalekurako sarbidea, auzokoak eta baimendutako ibilgailuak izan ezik.
- Beistegi Hermanos, Heraclio Fournier kalearekiko bidegurutzean, bizilagunak eta baimenduak izan ezik.
- Los Palacios zelaia, Iturritxu kaleko sarreran. Merkataritza guneko eta gasolindegiko bizilagunei eta erabiltzaileei pasatzen uzten zaie.
- A-2124 errepidea, Gardelegiko biribilgunearen bidegurutzean.
