"Gasteiz Antzokiarekin Udalak sortu duen arazoa Udalak berak konpon dezala"

Erredakzioa 2024ko mai. 15a, 13:51

Ostiralean, maiatzak 17, elkarretaratzea deitu du Gasteiz Antzokiaren aldeko plataformak, 12:30ean Plaza Berrian. Sinadura bilketa martxan dago antzokia ireki dadila eskatzeko.

Gasteiz Antzokiaren aldeko plataformak Udalari presio egiten jarraitzen du, "Gasteizek behar duen" espazioa zabaldu dezan. Horretarako elkarretaratze bat deitu dute ostiral honetarako, maiatzaren 17rako. 12:30ean izango da, Plaza Berrian, udaletxe parean. "Baietz 100 lagun batu!" adierazi dute deialdiarekin batera.

Plataformako kideek mozio bat aurkeztuko dute ostiralean, herritarren txanda baliatuz, kanpoan elkarretaratzea dagoen bitartean. Mozio horretan eskatuko dute "Udalak sortu duen arazoa Udalak konpon dezala", eta Gasteiz Antzokia lehenbailehen irekitzeko.

Gasteiz Antzokiaren aldeko plataformak sinadura bilketa abian jarri zuen martxoan, herritarren babesa jasotzeko asmoarekin. Oraindik ere zabalik jarraitzen du sinatzeko aukerak, hemen sakatuta sinatu daiteke manifestua. "Kultur sortzaileek sorgunea behar dugulako, kulturzaleek eskaintza bat behar dugulako, eragileek topaketarako gune bat behar dugulako, herritarrek plaza bat behar dugulako eta euskarak bere tokia behar duelako".

Erlazionatuak

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide