Aztikerren 2022ko ikerketaren datuen aurkezpena. Arabako Euskara Sustatzeko Plan Estrategikoa

Aurkezpen honetan Aztiker Soziologia Ikerguneak Arabako Foru Aldundiaren eskariz egindako ikerketaren emaitzak emango dira. Araban Euskara Sustatzeko Plan Estrategikoaren ebaluaziorako egindako ikerketa lan honetan jasotako datuak aztertuko ditugu. Planaren ebaluazioaz arituko gara, bere azpiardatzetan aipatzen diren esparruetako euskararen erabilerari eta presentziari buruzko datuak kontuan hartuta. Hartara, hurrengo planean kontuan hartu beharreko informazio esanguratsua eskuratzen saiatuko gara. Helburu horri erantzuteko, Arabako herritarren euskara ezagutza, erabilera eta hizkuntza honekiko iritzia xehe ulertzeko asmoz Aztikerrek 2022ko udazkenean egindako ikerketa izango dugu hizpide.