Esan liteke zentzu askotan Covid-19aren pandemiak Erdi Arora bueltan eraman gaituela, baina, besteak beste, bi urteko etenaldia eragin du, hain zuzen ere, urtero Gasteizen ospatu ohi den Erdi Aroko Azokari dagokionez. Egoera bere onera itzultzearekin batera, asteburu honetan egitasmoaren XIX. edizioa Arabako hiriburuko Alde Zaharrera itzuliko da, irailaren 23tik 25era, hau da, ostiraletik igandera.
Hiru egunetan zehar, askotariko jarduerak izango dira: 200 postu baino gehiago, kale animazioa, bisita gidatuak, musika, antzerkia, erakusketak, umeentzako jarduerak... Horien guztien erdigunean, Erdi Aroko giroa eta historia; izan ere, ikuskizunetako asko garai hartan iparraldea eta hegoaldea estrategikoki lotzen zituen gure hiriaren historiarekin lotutakoak izango dira. Gainera, dekorazio, janzkera, argazkilaritza edota pintura lehiaketak antolatuko dituzte aurten.
Azokaren ordutegia honakoa izango da: ostiralean, 17:00etatik 22:30era; larunbatean, 11:00etatik 14:30era eta 17:00etatik 22:30era; eta, igandean, 11:00etatik 14:30era eta 17:00etatik 22:00era.
EGITARAUA
