Hasi da Gasteizko Nazioarteko Antzerki Jaialdirako atzera-kontaketa. Urriaren 1etik aurrera eta bi hilabetez, 34 ikuskizun eskainiko ditu aurtengo edizioak: horietatik 16 euskal konpainienak dira, 9 nazioartekoak eta beste 9 estatu mailakoak; 12 estreinaldi absolutuak izango dira, bost estatu mailako estreinaldiak, eta sei Euskal Herrian lehen aldiz ikusiko direnak. Guztira, 44 saio izango dira.
Bertako hamasei konpainia horietako ordezkariek haien proposamenak aurkeztu dituzte gaur, Principal Antzokian eskainitako prentsaurreko batean. Marta Monfort Udal Antzoki Sareko arduradunak azaldu duenez, nazioarteko kartela berreskuratuz ere, "euskal sorkuntzaren aldeko apustuari eutsi" nahi izan diola jaialdiak: "Etxean bezala sentitzea nahi dugu".
Konpainia bakoitzak bere ikuskizunaren xehetasunak eman ditu, ordena kronologikoaren arabera:
- Pez Limbo konpainiako Eduardo Hernandok Itsas behera lana aurkeztu du. Jesus Ibañez de Matauko antzokian antzeztuko dute, urriaren 5ean euskaraz eta urriaren 6an gaztelaniaz.
- Marie De Jongh konpainiak Ama lana taularatuko du urriaren 14an, Felix Petite antzokian, Irene Zarrabeitiak azaldu duen moduan.
- Off Local antzerki irekiaren zikloari dagokionez, bi fasetan banatuko da eta sei proposamen izango ditu:
- Urriaren 13tik 16ra: La vuelta a casa (Arrapala), Oracle Motel (Parasite Kolektiboa) eta Justicia (Carmen San Esteban).
- Azaroaren 17tik 20ra: Daysi Crazy (Pez Limbo), Tránsitos (Amaia Garrosa) eta Raska nazka (Kolectivo Monstrenko).
- Ortzai konpainiako Andoni Lauzirikak hitz batzuk esan ditu Perra lanaren inguruan: azaroaren 4an izango da emanaldia, Principal Antzokian.
- Familientzako ikuskizunen zikloak ere euskal ekoizpen bat izango du, Zurrunka antzerki-konpainiako Eñaut Gorbeak iragarri duen moduan: azaroaren 6an gozatu ahal izango da Gure kanoa ikuskizunaz, Principal Antzokian.
- Tanttaka teatroak Sex berdinak lana aurkeztuko du azaroaren 19an Principal Antzokian, Mireia Gabilondok azaldu bezala.
- Larrua proiektuaren La casa vacía azaroaren 15ean aurkeztuko dute Principal Antzokian.
- Khea Ziaterren Faces azaroaren 5ean ikusi ahal izango da Ibañez de Matauko antzokian.
- Azkenik, jaialdia amaitu ostean, abenduko lehen egunetan, Udal Antzoki Sareak Haurtxoak proiektua berreskuratu du 0 eta 5 urte bitarteko haurrentzat. Horren barruan, Teatro Paraiso konpainiak Luidi estreinatuko du abenduaren 3an Federico Garcia Lorca Antzokian, Rosa A. Garciak azaldu duenez.
Sarrerak eta abonamenduak
Abonamenduen salmenta datorren ostegunean, irailaren 15ean, hasiko da, ohiko bideen bitartez. Irailaren 20an abonu irekiak erosi ahal izango dira (aldez aurretik hitzordua eskatuta), eta 22an sarreren aldez aurreko salmenta hasiko da. Berritasun gisa, hemendik aurrera sarrerak internet bidez eskuratzen dituztenek ez dute komisiorik ordaindu beharko.
EGITARAU OSOA
- Urriak 1 larunbata
- Urriak 5 asteazkena
- Urriak 6 osteguna
- Urriak 8 larunbata
- Urriak 11 asteartea
- Urriak 13 osteguna
- Urriak 14 ostirala
- Urriak 15 larunbata
- Urriak 16 igandea
- Urriak 19 asteazkena
- Urriak 20 osteguna
- Urriak 21 ostirala
- Urriak 23 igandea
- Urriak 30 igandea
- Azaroak 1 asteartea
- Azaroak 4 ostirala
- Azaroak 5 larunbata
- Azaroak 10 osteguna
- Azaroak 11 ostirala
- Azaroak 12 larunbata
- Azaroak 13 igandea
- Azaroak 15 asteartea
- Azaroak 17 osteguna
- Azaroak 18 ostirala
- Azaroak 19 larunbata
- Azaroak 20 igandea
- Azaroak 25 ostirala
- Azaroak 26 larunbata
- Azaroak 27 igandea
- Abenduak 3 larunbata