Esferica jaialdiak Mon Laferte eta Kruder & Dorfmeisterrekin itxi du aurtengo kartela

Mon Laferte kantautore, musikari eta konpositore txiletarra. / Argazkia: Tania Victoria

Abuztuaren 18tik 21era ospatuko da Esferica jaialdiaren bigarren edizioa. Hamabost kontzertu eskainiko dituzte Arabako Errioxako hainbat txokotan, eta dagoeneko itxi dute kartela, Mon Laferte eta Kruder & Dorfmeisterrekin.

Otsailaren erdialdean, Esferica jaialdiak Tanxugueiras, Ivan Ferreiro, The Excitements, Los Mejillones Tigre, Glassio eta Omago taldeen presentzia baieztatu zuen, abuztuaren 18tik 21era ospatuko duen bigarren ediziorako.

Astearte honetan, berriz, kartela itxi duten gainerako baieztapenak iragarri dituzte: Mon Laferte txiletarra, Kruder & Dorfmeister musika elektronikoko austriar bikotea, JP Bimeni & The Black Belts, Ele, Dani, Elena Setien, German Salto, Mute All DJ eta Carmona DJ. Hortaz, honela gelditu da aurtengo kartela:

 

Jaialdiak hamabost kontzertu ahaztezin, Arabako Errioxako gastronomiarik onena eta abangoardiako arte proposamenak eskainiko ditu kuadrillako zortzi txokotan: Bastidako Bakearen plazan eta San Gines parkean, Eltziegoko San Andres elizan eta Marques de Riscal upategian, Guardiako Ysios upategian, Abade Dorrean eta Villa-Lucía jatetxean, eta Lapuebla de Labarcako Pobeda parkean.

"Eskaintza musikalak bere nortasuna mantenduko du, nortasun, bereizgarritasun eta kalitate handiko artistak Arabako Errioxara hurbilduz", nabarmendu dute antolatzaileek. Informazio guztia eskuragarri dago Esferica Jaialdiaren webgune ofizialean.

Erlazionatuak

Tanxugueiras, Ivan Ferreiro eta The Excitements izango dira Esferica jaialdian

Arabako Errioxa

Jaialdiaren bigarren edizioa abuztuaren 18tik 21era bitartean egingo da, Arabako Errioxako zenbait txokotan. Abonamenduak salgai jarri dituzte jada.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide