Gazte Koordinadora Sozialistak Covid ziurtagiriaren ezarpenaren aurkako mobilizazioak deitu zituen ostiralean Araba, Bizkaia eta Gipuzkoako hiriburuetan. Gasteizko elkarretaratzea 19:30ean egin zen, Eusko Legebiltzarraren aurrean.
GKSren ustez, Covid ziurtagiria ezartzeak "biztanleriaren kontrol mekanismoak handitzea" ekarri du: "Datu pertsonalen gaineko kontrol handiagoa dakar, eta norbere intimitaterako askatasuna modu nabarmenean urratzen du. Bestalde, errepresio polizialarentzako tresna bihurtzen da, eta ziurtagiriak farmazeutiken eta enpresari handien interesei erantzuten die, txertoetatik ateratzen duten dirutzagatik".
Joan den astean, Urko Garmendiak iritzi artikulu bat argitaratu zuen ALEAn, Covid Ziurtagiriari ez! izenburupean, gazte antolakunde sozialistaren posizioaren nondik norakoak azaltzeko.
