'Harria' ikuskizunarekin estreinatuko du Olarizuk bere Antzoki Berdea

'Harria' ikuskizuna. ALEA

Ostiralean izango da, 19:00etan.

Olarizuk topagune berria estreinatuko du ostiralean, hilaren 24an: Antzoki Berdea. Olarizuko etxaldearen ondoko lurzati batean eraiki dute aire zabalean elkartzeko gune berri hori, eta Euskadiko Botanikoa bihurtzeko aurreikusitako proiektuetako bat da.

Mulixka dantza taldea eta Iñaki Perurenaren Harria izeneko proposamenarekin jarriko dute martxan toki berria, ordubetez, natura, dantza tradizionala eta kontaketa elkartzen dituen ikuskizuna. Gasteizko Udaletik jakinarazi dutenez, osasun neurriak direla eta, horretarako edukiera mugatuta egongo da eta iristen den ordenaren arabera osatuko da; 19:00etan da hitzordua.

Antzoki Berdeaz gain, aintziraren gaineko pasabidea (duela hilabete batzuk jarria), informazio-bulegoa edo landare erabilgarrien lorategia ere izango ditu Euskadiko Botanikoak. Gainera, labirinto begetala eta tirolinen eta jolas naturalizatuen eremua ere aurreikusita daude proiektuan.

Erlazionatuak

"Harriari asko zor diogu, eta lan berrian hori izan dugu oinarri"

Gasteiz

Foru plazan izango da larunbatean Mulixka dantza taldeak eta Iñaki Palacios musikariak elkarlanean sortutako ikuskizun berriaren estreinaldi...

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide