Joan den larunbatean, hogei urteko emakumezko bat atxilotu zuen Ertzaintzak Gasteizen, Ander Garcia Oñate PPko afiliatuari (Legutioko alkategaia 2019an) kalean eraso egitea leporatuta. Garcia Oñateren arabera, 22:00ak aldera gertatu zen dena: ustez, "PPko militante izateagatik" ukabilkada bat eman zion neskak, "fatxa", "aberaskume" eta "gora ETA" oihukatuz, Florida kaleko dantzaleku baten atarian. Alderdi Popularreko kideak Ertzaintzari deitu zion orduan, eta hainbat patruila bertaratu ziren ustezko erasotzailea atxilotzeko.
Fiskaltzak aurkeztutako kargu berrien ostean, Gasteizko 2 zenbakiko Instrukzio Epaitegiak albo batera utzi du gaurko aurreikusitako epaiketa azkarra, eta, azkenean, gorroto delitu batengatik auzipetuko dute emakume gaztea. Horrek instrukzio-fase batez eta ondorengo ahozko epaiketaz osatutako prozedura arrunta aktibatzera behartzen du epaitegia. Eldiario.es hedabideak argitaratu duenez, datorren astelehenean, Cristina Rodriguez Ruiz epaileak deklarazioa hartuko die Ander Garcia Oñate berari, ustezko erasotzaileari eta bi aldeetako lau lekukoei.
Hasieran, eraso delitu arin bat egozten zioten gorroto larrigarriarekin. Orain, ordea, eskaera fiskal handiago bati egin beharko dio aurre, kartzela zigor —urtebete eta hiru urte artean— zein isunei dagokienez. Nolanahi ere, dagokion ikerketa burutu ostean, epaileak hartuko du azken erabakia.
Gaitzespena
Polemikak gorabehera, ordezkari politiko guztiek publikoki gaitzetsi egin dute ustezko erasoa. Hala ere, gainerako alderdiek gaztelaniazko "condena" hitza ez erabiltzea leporatu diote EH Bilduri; PPko bozeramaile Carlos Iturgaizek, gainera, "indarkeriari hegoak ematea" egotzi dio alderdi independentistari.
Azkenean, EAJ, PSE-EE, PP eta Elkarrekin taldeek adierazpen bateratua adostu dute astelehenean Gasteizko Udalean, baina EH Bilduk ez batzea erabaki du. Adierazpen horretan, lau taldeek "gaitzetsi eta arbuiatu" egin dute PPko kideak "bere ideologia politikoagatik jasan zuen erasoa", eta gaineratu dute gertakari horiek ez dutela "inolaz ere hiriaren irudia ematen, bizikidetza, tolerantzia eta aniztasunaren errespetua baitira berorren ezaugarriak".
Azkenik, Udalak "gertutasuna eta babesa" adierazi dio Ander Garcia Oñate gazteari eta alderdikide guztiei.
Una vez más un afiliado del @PPVasco ha sido agredido en Vitoria por su pertenencia a @populares .Todo mi apoyo a mi joven compañero, y mi más enérgica condena y repulsa por esta nueva agresión que demuestra que radicales, jaleados por Bildu, son el cáncer de la convivencia vasca pic.twitter.com/7xk14mTsh1
— Carlos Iturgaiz (@carlositurgaiz) September 5, 2021
[1/2]
— Denis Itxaso (@DenisItxaso) September 5, 2021
Con 20 años, agrediendo al grito de ‘facha’ a un militante del @PPalaveses. En Euskadi, y en medio de ‘goras’ a ETA. Con 20 años y en 2021. La izquierda abertzale tiene un problema con la herencia del odio y tiene que afrontarlo con determinación. https://t.co/yxdg0AMgeV
Nahikoa da. Gure elkartasuna eta gertutasuna @andergarciao-ri. Nire gaitzespenik gogorrena erasotzaileari eta horrelako erasoak egitera bultzatzen dituztenei. https://t.co/tWkwXRmOF5
— Gorka Urtaran Agirre (@gorka__urtaran) September 5, 2021
Desde @ehbildugasteiz mostramos nuestro rechazo a la agresión sufrida en Gasteiz y nuestra solidaridad con el agredido.
— Felix Gonzalez San Vicente (@felixgasteizkoa) September 6, 2021
EH Bildu Gasteizen izenean, geure gaitzespena Gasteizen gertatutako erasoaren aurrean eta geure elkartasuna kaltetutako pertsonarekin. https://t.co/HeMDpBkQbx
