Duela astebete, hogei positibo atzeman zituzten Gasteizko Albertia Campus egoitza pribatuko Covid-19 agerraldian. Hamahiru positibo erabiltzaileen artean detektatu zituzten, eta beste zazpi langileen artean; horietako bi praktikan zeuden pertsonak ziren.
Aldundiak jakinarazi duenez, "Covid-19arekin zerikusirik ez duten beste patologia batzuen ondorioz" hil egin da erabiltzailea.
Egoeraren ondorioz, zentroak baheketa egin behar izan zuen, baina ez da positibo gehiagorik atzeman langileen artean. Hala ere, beste bost positibo azaleratu dira erabiltzaileen artean, eta guztira 25 positibo dira, gehienak sintomarik gabe dauden arren.
