"Esnatu zenean, dinosauroa han zegoen oraindik". Artean Twitter ez zegoela, Monterrosoren ipuinak erakutsi zuen hitz gutxitan badela zeresanik. GEU Elkarteak ere mikroipuinen bidea jorratu du, "arnasa" gaiaren aitzakiapean 268 karaktereko ipuinak sortzeko erronka botaz.
Aste honetan, GEU Elkartearen mikroipuin lehiaketara aurkeztutakoak bildu ditugu ALEAn:
1. saria
-Azkena! -gezurtu zion, ia arnasarik gabe, Sisifok bere buruari.@GEUelkartea #arnasa
— Aster Navas (@irakasle) April 23, 2021
2. saria
Dama ikusezina zen. Inork ez zion kasurik egiten. Oharkabean igarotzen zen. Aspertuta zegoen bere ikusezintasunaz, ondotxo baitzekien bera ezinbestekoa zela. Hamar minutuko greba egin zuen eta den-denak hil ziren. Orduan konturatu ziren zein ezinbestekoa den arnasa.@GEUelkartea
— Txema Ramírez de la Piscina (@txeramirez) April 23, 2021
3. saria
Birikiek orroka eskatzen zioten airea. Ezagun zitzaion arnasketa falta. Baina, enegarren aldiz, Duskoren mototsdun ingerada agertu zitzaion "nekea ez da existitzen” gogorarazteko. Hortzak estutu, eta oxigenoa laringetik lerratzen sumatu zuen atzera. #mikroipuina @GEUelkartea
— Joseba (@Josebasanchez) April 17, 2021
Beste ipuin batzuk
20:20an eten zitzaion arnasa tabernariari eta 20:25 ean bueltatu zitzaion. @GEUelkartea #mikroipuina
— Sorkun Barain Amillategi (@Sorkun13) April 12, 2021
Biok gengozan kirioak dantzan. Haren arnasa ezpainetan hauteman niezaiokeen, taupadak bizituz, desira iratzarriz. Kartsuki hurreratu zintzaizkidanean, ordea, arnasaren eiteak emazte zenaren arnasa oroitarazi ninduen, burmuinean betiereko balazta eraginez.#mikroipuina @GEUelkartea
— SaskiBask (@SaskiBask) April 14, 2021
Min egin zidan lehenak, beste bat etorri zen gero, eta beste bat. Estutu zitzaidan maitatzean, nasaitu laztantzean. Haizearena, olerkariarena, herriarena, denak hartu nituen, baina atzenengoa izan da osoena, guztia eta ezereza, bere lurrunean dena eman duen arnasa. @GEUElkartea
— Julen Arriolabengoa (@JulenArriolaben) April 19, 2021
Berak loreak laztandu NAHI zituen,baina gosaria prestatu BEHAR zuen.
— Garazi Arana (@arana_garazi) April 15, 2021
Berak zerura begira txori sentitu NAHI zen,baina lanera joan BEHAR zen.
BETEBEHAR eta NAHIEN artean.Sakonki arnastu zuen.Duela asko ez bezala.Arnastu BEHAR zuen. Arnas estuak gehiago ez zituen NAHI @GEUelkartea
Uste nuen zuk ematen zenidala musu. Ia arnasarik gabe utzi behar ninduzula. Harik eta suspertzerakoan, erizainak arnasgailuaren hodia ahotik atera zidan arte.#Arnasa @GEUelkartea
— JMari Basterretxea Astelarra Portu Zulaika (@SalburuaBerdea) April 21, 2021
Astebete daramat ospitalean, arnasik gabe geratzen ari naiz. Nigandik gehiegi urruntzen ari denez norbaitek ikusten badu mesedez mezu hau eman diezaiola nire arnasari: “Bueltatzen zarenean haize berrituak ekarri, covid gabekoak. Milesker guztiagatik"#arnasa @GEUelkartea
— Iratxe Artaraz (@lelikeli) April 21, 2021
Zuk erabakitako eran esan zenigun agur,goizegi,larregi.Gaixotasunarekin minduta,nekatuta.Nire oroimenak zure arnasa gorde du, arnasten zaitut egunero eta horrek bizitzen laguntzen dit. #arnasa @GEUelkartea
— Iratxe Artaraz (@lelikeli) April 21, 2021
Arnastu nazazu,panpox.Nire burmuinean sartu, nire oroimenak gogoratu,sentimenduak barneratu eta nire gorputzaz jabetu.Arnastu nazazu,panpox,ez dut bakarrik geratu nahi.#arnasa @GEUelkartea
— Iratxe Artaraz (@lelikeli) April 21, 2021
Itsasontzian nindoala, arnasa tximiniatik hartu eta popatik botatzen zuen gizon zoroa ezagutu nuen. Tximinia popa zen. @GEUelkartea #arnasa
— Sorkun Barain Amillategi (@Sorkun13) April 21, 2021
Arnasa hartzeko modu anitz zegoela jakin izan dut beti. Baina, orain, benetan konturatu naiz. Ikusi dut Madou tapiz txiki baten gainean belaunikatuta, norabide zehatz horretara begira, hitz ezezagunak errepikatzen dituela. Nire etxeko egongela airez bete da.@GEUelkartea #arnasa
— Uriarte (@mUriarte16) April 21, 2021
Hartu eta bota.
— Gasteiztar (@Gasteiztar1) April 21, 2021
Bat, bi, hiru.
Ezinean...
Egunero arnasketa ariketak
gero eta zailtasun handiagoarekin osatzen dituzte.
Zama handia da oso, ardura gehiegi,eta ZIUak ere ez ditu salbatuko.
Animalien babesleku, sustraietatik adarretaraino. @GEUelkartea #Arnasa
Haien usain goxoa nire sudurtzuloetatik barrena sartzean sinetsi ezinik geratu nintzen.
— Gasteiztar (@Gasteiztar1) April 21, 2021
Nola izan liteke txarra horren ondo usaintzen duen zeozer?
Lurra idorra, bertako anai-arrebak arnasestuka eta kolore berde-iluna nonahi.
Iritsi da eukaliptoen izurria@GEUelkartea #Arnasa
Erabilera, erabilera, erabilera.
— Gasteiztar (@Gasteiztar1) April 21, 2021
Behin eta berriro adierazitako erronka.
Eta ez da nolanahikoa.
Ariguneak, arnasguneak, konpromisoa.
Hartu arnasa eta segi aurrera,
euskara; ez zaitez gal horrela.@GEUelkartea
#Arnasa
Lasaitasuna nahi zuenean, hartu zuen sudurtzulotatik.
— (S)iria (@IriaEpaltza) April 21, 2021
Gogaituta zegoela, indarrez bota zuen ahoberotik.
Eta hala, #Arnasa hartu eta bota, #arnasa erdibituz, bizitzaz beraz erditu zen.#Mikroipuina@GEUelkartea
Ezin dut arnasa hartu...
— JMari Basterretxea Astelarra Portu Zulaika (@SalburuaBerdea) April 21, 2021
Minneapolisko espetxeko ziegatik patiora irtetzeko oinetako zuriak janzteko, belaunikatzen zen bakoitzean, hurrengo hamarkadetan bere baitan entzungo zuen esaldi hark iragartzen zion etorkizun beltzak sortarazten zion itolarria Dereki@GEUelkartea #Arnasa
Beste egun bat. Enegarrena. Iratzarri, jantzi, eta alaba txikiari hamaikagarren aldiz lanera ez goazela azaldu. Amurriori darion langabezia-sunda arnastu beharra. Gaur, ordea, langile publikoen hauspoa ikustean hunkitu gara. Aire freskoa gure birika nekatuentzat. @GEUelkartea
— SaskiBask (@SaskiBask) April 22, 2021
Haize hezea eta eguzki-loreak eguzkiari begira. Belarretan etzanda gaude. Epeltasuna azalean.
— Irune Alfonso Iza. (@irune_alfonso) April 22, 2021
Arranoa bueltaka dabil Urbasako zeruan. Zelatan.
Altxa dut burua zure iztarretik bularrera. Bihotz taupadak entzun ditut. Arnasa sentitu. Hasperen egin. Bizirik gaude.@GEUelkartea
Egunak daramatzat zulo beltz sakonean sartuta. Atera ezinik. Meatzari lanetan gau eta egun. Argi-izpi txikia lortu dut. Meatzari lanetan jarraitu dut. Argiak itxutu nau, baina hor ikusi zaituztet zulatzen, lagunak. Nire arnasa zarete. @GEUelkartea #arnasa
— Irune Alfonso Iza. (@irune_alfonso) April 22, 2021
Amonak gutun bat utzi zion hil aurretik.' 'Bizitzarako gida: 1. Atsegina izan. 2. Erleak zaindu. 3. Arnasa hartu. 4. Errepikatu'. Hirugarren urratsetik hasi eta abian jarri zen. @GEUelkartea ???????? #Arnasa
— Ana V Santamaría (@AnaVSantamaria) April 22, 2021
Euskaltel saldu zutenean #Arnasa hartu zuen, bera beste konpainia batekoa zelako.
— (S)iria (@IriaEpaltza) April 22, 2021
Tubacexek 150 kaleratze iragartzean #Arnasa hartu zuen, bera ez zelako horietako bat.
BBVAk bulegoen itxiera iragartzean #Arnasa hartu nahi izan du, baina #arnasa ere bota dute jada.@GEUelkartea
Zerotik hasi behar izan zenuten. Adore guztia bildu, arnasa hartu eta maitasuna kutxa ilun eta giltzapetu batean sartu. Bigarren aldiz arnasa hartu eta esperantzaren atea itxi. Hirugarrenez arnasa hartu eta agur esan. @GEUelkartea #arnasa
— LUCIA (@luzgongom) April 23, 2021
Nire burua zure bularrean, begiak itxita, txorien txioak belarrietan, tximeletak sabelean, arnasa biriketan. Zu zara etxea, zu zara babesleku. @GEUelkartea #arnasa
— LUCIA (@luzgongom) April 23, 2021
Maiatzak 25 zituen, 2020. Arnasak neurgailu desberdinak zituela garbi geratu zen eguna. Salamanca auzoko lagun batek “Askatasuna, arnasa hartu behar dugu”oihukatzen zuen bitartean, Minneapolisen, Floyd “ezin dut arnasarik hartu” garrasika ari zen; hiltamuan, baina.@GEUelkartea
— Txema Ramírez de la Piscina (@txeramirez) April 23, 2021
Aspaldiko! Berriro kuadrilla osoa bilduta, orain hondartzan, su inguran. Bat, bi eta hiru, denok batera musukoa sutara bota eta estulka hasi. Ez zen hain ideia ona, lehenengo arnasa librea hartzeko. Denok barre egin genuen. Begiak malkoetan. @GEUelkartea
— Jose I. Miranda (@JoseIMiranda5) April 23, 2021
-Denbora eman beharko genioke elkarri... -esan zion enarak haize-orratzari, eta bera, haserre, biratu egin zen, irailaren amaierako ipar haizeko arnasak bultzaturik. @GEUelkartea #arnasa #hegorantz
— Aster Navas (@irakasle) April 24, 2021
Poliziak ezin zuen perimetralki mugatu, ezta agintariek atxilotu. Legegileen arauetatik ihes egiten zuen. Denek atzeman nahi zuten. Bera, ordea, labaina zen. Eta askea. Maitaleak, berriz, harekin sendatu zuen bere mina, birikak ireki eta arnasa sakon hartu zuenean.@GEUelkartea
— Txema Ramírez de la Piscina (@txeramirez) April 24, 2021
Arnasestuka bazebilen ere, oraindik irribarre bat antzematen zitzaion burdin jantziaren azpian. Ez zen garai ona berarentzat, ezta gudetan aritzen ziren horientzat ere. @GEUelkartea
— Sergio Yuste (@syuste76) April 23, 2021
Arnasa hartu. Meditazioa egiteko esaten dizutena.
— Leire Garcia (@Leireg95) April 24, 2021
Arnasa hartu. Erditzeko ezinbesteko eginbeharra.
Arnasa hartu. Urduri zaudenean emandako aholkua.
Arnasa hartzera noa baina kosta egiten zait, ze garrantzitsua den eta zenbat kostatzen zaigun batzuei arnasa hartzea. @GEUelkartea
Anasestuka iritsi da eta haritz baten oinean eseri da. Musukoak itolarria eragiten dio eta kendu egin du. Begiak itxi, arnasa hartu eta burua baretu du. Zoragarria! Orduan zerbait antzeman du sastraken atzealdean: 2 udaltzain bizikletaz.
— Antton Aranburu (@Anttonaran) April 24, 2021
-Andereño, non duzu musukoa? @GEUelkartea
Teilatura irten zen #arnasa hartzera,
— (S)iria (@IriaEpaltza) April 24, 2021
eta zerua bera sartu zuen biriketaraino.
Ordutik, sasi guztien gainetik eta hodei guztien azpitik dabil.#Mikroipuina@GEUelkartea pic.twitter.com/WyHdXrfP4s
Ez zuen gogoko aitarekin ospitalean gauez geratzea. Haren arnasa gela osoaz jabetzen zen, eta buruari bueltaka hasten zen: ez ditu gorabehera gehiegi?, etenok normalak dira?, ez da ahulegi ari? Azkenean, erizainari deitzen zion: Lorazepanarekin dena errazagoa zen. @GEUelkartea
— mikel elosegi azpiazu (@Mikelelosegiazp) April 24, 2021
Edozein lekutan, arnasa hartu eta bizitzaz gozatu!
— Marian Perianes (@MarianPeri) April 25, 2021
Beti zerbait ezkututa badago zuri irribarre bat aterarazteko.
Prest zaude? @GEUelkartea
Arnasa hartu eta botatzen dugunero aldatzen naiz. Orduan, baina, bazen zerbait deigarriagorik. Ezin arnasa ondo egin. Galdutako arnasa nonahi. Azken arnasak noiznahi. Gero, arnasberriturik geundela pentsatu zuten. Ohartarazpenak egiten jarraitu nuen; alferrik? @GEUelkartea
— Mikel (@MikelPG22) April 25, 2021
Arnasa sakon hartu eta oihu egin dio. Segituan, inguruko guztiok ez bada, gehienok bai, gehienok hasperen egin dugu. Zer oihu ederra egin duen, benetan! Edukia, tonua, bolumena... Zoragarria! Arnasa hartze hori... Komunikazioan aditurik inguruan? Gaindiezina! @GEUelkartea
— Mikel (@MikelPG22) April 25, 2021
Hats bezala pentsatzen zaitut: lurruna, zure larruazala; zure usaina, sehaska. Zure arnasketa geldoaren erritmoan neure baitan biltzen naiz, zure algaratik ihes egiten duen airearen leuntasunean, eta begiak itxi ditut zure bizitza den arnas etereoa galtzeko beldurrez.@GEUelkartea pic.twitter.com/VEolXSq03J
— Miriam Huárriz (@MiriamHuarriz) April 25, 2021
Bizitza emanten edo luzatzen didan arnasak berak zahartzen nau.#arnasa @GEUelkartea #Bizimundua #JoanduKimani pic.twitter.com/enIzbDFsLn
— Uriarte (@mUriarte16) April 25, 2021
Amonak egindako sareetan harrapatzen ditugu. Txikitxoek jauzi egiten dute eta amatxok gogor kolpatzen ditu. Gora eta behera mugitzen dira, ihes egin nahian. Marea bezala. Nire bularra bezala: arnasgora eta arnasbehera. Arrantza gorroto dut. Eta itsasoak ni. #Arnasa @GEUelkartea
— Etzidamutu (@etzidamu) April 25, 2021
Arnasa hartu eta espaziontzia aireratu zen.
— unrelatoparacadarato (@EraseUnrelato) April 26, 2021
NASA ez zuen gustoko. Ez zen bere ametsa.
— Asa, zuti hadi!
Hurrengo nasa: zure bizitza
Eta txioak idazteari utzi zion.
Nasaitu egin zen.
—Eraman nazazu zurekin! @GEUelkartea
Arnasestuka esnatu naiz.
— (S)iria (@IriaEpaltza) April 26, 2021
Nire ametsean Mariano Rajoyk bermeotarrez hitz egiten zuen.
Oraindik ez dakit amesgaiztoa izan den ala fantasia politiko lizunenetakoa.
Dakidana da gogoratzen naizen bakoitzean #Arnasa mozten zaidala.#Mikroipuina@GEUelkartea
Baldinbaitere, zure arnasa flasko batean gordeko ahal banu. Zintzilikario eder bat egingo nuke, eta zuk eta biok dakigun une latz horietan guztietan, ireki. Zure arnasak nirea ordezkatuko luke, beharrezko indarra gorputzean sentiaraziz. @GEUelkartea
— SaskiBask (@SaskiBask) April 26, 2021