"Errege Magoek urteak eta urteak daramatzate gure hirira etortzen. Urtero, atsegin handiz umeen nahiz helduen ametsak eta desioak betetzen dituzte eta beti ekartzen dute ilusioa gure etxeetara", adierazi du Gorka Urtaran alkateak Twitterren. "Lan bikaina egin dute 40 urtez, eta oso eskertuta gaude. Mila-mila esker bihotzez".
Hala ere, alkateak egungo Erregeak ordezkatzea erabaki du, ekitaldi elebidunak bermatzeko helburuarekin: "Garaiak aldatzen dira, eta bere garaian Baltasar erregearekin gertatu zen bezala, hizkuntzari dagokionez, oraingo umeak ez dira lehengoak bezalakoak. Orain, ume gehienak, guztiak ez esatearren, elebidunak dira eta eskaintzen dizkiegun ekitaldiak, ofizialak diren bi hizkuntzetan ematea bermatu behar dugu. Errege Magoen harrera ere bai. Haurren interes gorenean pentsatuz, garai berrietara egokitzeko unea heldu da", azaldu du Urtaranek.
Dagoeneko Gasteizko Udalaren erabakiaren kontra eta euskararen aurkako mezuak agertzen hasi dira sare sozialetan, eta baita politikarien artean ere. Adibidez, Iñaki Oyarzabal Arabako PPko presidenteak "paranoia urratzen duen nazionalismoa" izatea leporatu dio EAJri. Gasteizko Udalean PPko bozeramaile Leticia Comeronek ere "erradikala eta sektarioa" izatea leporatu dio alkateari, eta "enplegua berreskuratzean zentratzeko" eskatu dio.
Baina Gorka Urtaranek erabakia ulertarazteko mezua ere zabaldu du: "Ziur nago denok ulertuko dugula. Errege Magoekin hitz egin eta gero, haiek ere bat etortzen dira hausnarketa honekin, haientzat ere ez baitago haurren zoriona baino desio handiagorik", idatzi du Twitterren.
Errege Magoek urteak eta urteak daramatzate gure hirira etortzen. Urtero, atsegin handiz umeen nahiz helduen ametsak eta desioak betetzen dituzte eta beti ekartzen dute ilusioa gure etxeetara. Lan bikaina egin dute 40 urtez eta oso eskertuta gaude. Mila-mila esker bihotzez.
— Gorka Urtaran Agirre (@gorka__urtaran) February 4, 2021
1/4 pic.twitter.com/SORuJgRbwy
Baina garaiak aldatzen dira eta, bere garaian Baltasar erregarekin gertatu zen bezala, hizkuntzari dagokionez, oraingo umeak ez dira lehengoak bezalakoak. 2/4
— Gorka Urtaran Agirre (@gorka__urtaran) February 4, 2021
Orain ume gehienak, guztiak ez esatearren, elebidunak dira eta eskeintzen dizkiegun ekitaldiak, ofizialak diren bi hizkuntzetan ematea bermatu behar dugu. Errege Magoen harrera ere bai. Haurren interes gorenean pentsatuz, garai berrietara egokitzeko unea heldu da. 3/4
— Gorka Urtaran Agirre (@gorka__urtaran) February 4, 2021
Ziur nago denok ulertuko dugula. Errege Magoekin hitz egin eta gero, haiek ere bat etortzen dira hausnarketa honekin, ze haientzat ere ez baitago haurren zoriona baino desio handiagorik. #VitoriaGasteiz 4/4
— Gorka Urtaran Agirre (@gorka__urtaran) February 4, 2021