Etxebizitza Sindikatuak "etxegabetze guztiak gelditzeko" exijitu zuen larunbateko manifestazioan. Lehenengo minutuetan, arazoak izan zituzten Ertzaintzarekin, mobilizazioa egiteko baimena zela eta, baina, azkenean, 19:00etan abiatu ziren, "etxebizitza doakoa, kalitatezkoa eta unibertsala" aldarrikatzeko.
Ertzaintzak plaza hartu du eta ez dio manifestazioari ateratzen uzten.
— Etxebizitza Sindikatua (@EtxeSindikatua) January 30, 2021
Baimenik ez duela argudiatzen dute. pic.twitter.com/yN8xkVkStG
Izan ere, joan den asteartean, Udaltzaingoak eta Ertzaintzak hamabost pertsona etxegabetu zituzten Herrandarren kaleko 15. zenbakian okupatutako eraikinetik. Etxebizitza Sindikatuak bertaratzeko deia zabaldu zuen, protesta egiteko eta etxegabetzea gelditzeko asmoz. Polizia operazioa goiz osoan zehar luzatu zen, eta hainbat hainbat lagun atxilotu zituzten.
Azkenean etxegabetzea gauzatu egin zen eta atxilotu guztiak aske gelditu ziren gauerako. Baina etxegabetutako bizilagunetako batzuk kalean daude oraindik. Etxebizitza Sindikatuak jakinarazi duenez, soilik familia batentzako alternatiba lortu dute, eta zazpi pertsona kalean daude oraindik.
Oraingoz, sindikatuak berak eman die gauak pasatzeko lekua, baina "irtenbide kolektibo" bat exijitu du. "Alternatiba bat exijitzen diogu Gasteizko Udalari eta Larrialdietako Gizarte Zerbitzuei: etxebizitza bat, kalitatezkoa, iraunkorra eta doakoa", adierazi dute.
"Asteartean ikusi genuena arazo estruktural baten adibide bat baino ez da; oraindik ere etxegabetze asko ematen dira", azpimarratu du Etxebizitza Sindikatuak. "Etxegabetzeak atzeratu beharko lituzkeen dekretua ez da nahikoa, izan ere, kaleratze batzuk baino ez ditu atzeratzen eta ez ditu kasuistika asko jasotzen. Pertsona horiek ez dira kalean geratuko: erakunde burgesari kendutakoaren bidez ez bada, klase antolakuntzaren bidez izango da; baina ez izan zalantzarik, ez ditugu gure kideak bakarrik utziko", ohartarazi dute.
| MANIFESTAZIOA / MANIFESTACIÓN
— Etxebizitza Sindikatua (@EtxeSindikatua) January 30, 2021
⏩Gaur, Gasteizen, ehundaka pertsona etxegabetze guztien gelditzea exijitzeko elkartu
⏩Hoy en Gasteiz, cientos de personas nos hemos reunido para exigir el fin de todos los desahucios
[GALERIA????️????????] pic.twitter.com/bMzwDI8E7a