Arratoi bat Telepizzako establezimendu baten barruan ikus daiteke bideoan. Ikus-entzunezko dokumentua bolo-bolo zabaldu da azken orduetan gasteiztarren artean. Izan ere, bideoarekin batera Telepizzaren Gasteizko establezimendu baten irudia doa, eta bi mezuak batera biralizatu egin dira, "askotan birbidalia" dioen abisuarekin.
Gainera, EAEko ostalaritzako 2. taldeko lizentzia duen karteltxoa ikus daiteke leihoaren eta atearen artean. Horrek Gasteizko irudiak direla pentsatzea eragin du, baina begiratu azkar batean baieztatu daiteke establezimenduaren fatxada ez datorrela bat Arabako hiriburukoarekin.
Hain zuzen ere, Telepizzak berak sare sozialetan azaldu duenez, irudiak ez dira Gasteizkoak, baina, dirudienez, bai azken egunetakoak. "Santurtziko (Bizkaia) kasu zehatz bat da, zonaldean karraskariekin izandako arazo baten ondoriozkoa. Dendak kontrol guztiak pasa ditu, eta atzo beste bat egin genuen. Hala ere, desinfekzio-prozesua amaitzen dugun bitartean, establezimendua itxita egongo da", azaldu du Telepizzak.
¡Hola! Se trata de un caso puntual en Santurtzi (Vizcaya) derivado de un problema de roedores en la zona. La tienda ha pasado todos los controles y ayer realizamos otro. No obstante, mientras completamos el proceso de desinfección, el establecimiento permanecerá cerrado. Gracias!
— Telepizza España???? (@telepizza_es) January 12, 2021