Basurde talde bat Gasteizko Aranbizkarra auzoraino sartu da egunotan. Herritar batek grabatutako eta sare sozialetan bolo-bolo dabilen bideo batean ikus daitekeenez, txangoaren une batean familia osoak Obispo Ballester kalea zeharkatu du gauez.
Antza denez, astelehen euritsu honetako 22:00ak aldera, etxeratze agindua aprobetxatu du basurde talde batek Aranbizkarra auzora hurbiltzeko.
Orain arte, eta bereziki pandemia garaian, Zabalgana edo Salburua bezalako auzo periferikoetan agertu ohi dira basurdeak; lehen aldia da Arabako hiriburuaren erdialdetik hain hurbil iristen direla, edo behintzat kamara batek grabatu dituela.
Hainbat iturriren arabera, basurde horiek Salburuko hezeguneko biztanleak dira. Beraz, Aranbizkarraraino iristeko, kilometro bat baino gehiagoko ibilbidea egin behar izan dute.
Whatsapp bidez jasotako bideoa.
ALBISTEAK MUGIKORREAN
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?
Izan zaitez ALEAkide