Aurten Tafallako Mielotxin folk taldea izango da; 2003ko udan Tafallan (Nafarroa) sortu zen, abeslari eta akordeoilaria den Iñigo Aguerriren ekimenez. Urte bat lehenago, zuzeneko emanaldi bat sortzeko asmoz, maketa bat grabatu zuen Pontevedran, bere lagun eta musikaria den Pipo Alvariño galiziarraren laguntzarekin. Asmoa Nafarroan folk musikaren ikuspegi berri bat eskainiko zuen proiektua martxan jartzea zen.
Oraingoan, Oinarin dantzariekin batera, ikuskizun berriarekin, etapa berri batean sartzen da Mielotxin. Ostiralean izango da Oihaneder Euskararen Etxean, hilaren 27an, 19:00etan.
